InfoHub Logo

Rıchard Brensonǵa tańdana jáne súısine qaramaý qıyn. Ol erekshe kásipker, armanshyl ári jeńimpaz adam. Brensondy spıker retinde jıi shaqyrady, sebebi onyń sózderi shynymen qanattandyrady. Bıznesmenniń biz usynyp otyrǵan qanatty sózderi sizdi rýhtandyryp, yntańyzdy arttyrady.

Ózindik erekshelik jaıly

Men úshin bıznespen aınalysý bul kostúm kıip, steıkholderlerge jarbańdaý emes. Eń bastysy, óz-ózińe, ıdeıalaryńa adal bolý jáne basty máselelerdi nazarda ustaý.

Pozıtıvti kózqaras jaıly

Meniń ómirlik ustanymym – ár mınýttan lázzat alý. Men «O, qudaıym, búgin mynany jasaýym kerek» degen oımen eshqashan eshteńe istemeımin. Bıznesmen óz isin úlken qyzyǵýshylyqpen isteý kerek, oǵan bári unaý kerek. Bul shyǵarmashylyq qabiletti arttyrady.

Kásipkerlik jaıly

Kásipkerliktiń bar máni – seni tolǵandyratynnyń bárin qarjyǵa aınaldyrý, sol salada jetistikke jetý jáne alǵa ilgerileý. Meniń oıymsha, bir saryndy jumys pen saǵattap bir jerde otyrý – bul jalpy kásipkerlik rýhqa jasalǵan qıanat.

Adamdar jaıly

Adamdarǵa shynaıy qamqor bolý óte mańyzdy. Siz eger adamdardy jaqsy kórmeıtin bolsańyz, jaqsy kóshbasshy bola almaısyz. Olardy jaqsy kórgen jaǵdaıda ǵana jaqsy qasıetterin baıqaı alasyz. Bıznes — bul adamdardyń ómirin jaqsartý úshin oılap tabylǵan jaı ǵana ıdeıa.

Syn-tegeýrin jaıly

Meniń ómirge degen qyzyǵýshylyǵym ózime aqylǵa syımaıtyn synaqtar uıymdastyryp, solardy baǵyndyrýymnan týyndaǵan.

Maǵan jiger beretin ne? Ári qaraı da ózime syn-synaqtar jasaý. Men ómirime ýnıversıtettegi sheksiz oqý sıaqty qaraımyn: kúndelikti jańa birdeńege úırenemin.

Jalpy barlyǵy jaıly

Boıyńa maqtanysh syılaıtyn birdeńe jasap shyǵarý. Bul meniń bıznestegi pálsapam desem bolady. Shyn aıtsam, men eshqashan kóp qarjy tabý úshin bıznespen aınalysqan emespin. Eger bul basty sebep bolsa, onda eshteńe isteýdiń qajeti joq.

Men jumysty jumys dep, al kóńil kóterýdi kóńil kóterý dep qabyldamaımyn. Munyń bári ómir.

Saıttaǵy barlyq naqyl sózder: Ulaǵatty sózder

Al sizdi qandaı tulǵalardyń cózderi, ómiri, bıografıasy jigerlendiredi?

---