InfoHub Logo

Vnımanıe! Perepechatka materıalov (vklúchaıa foto, vıdeo ı aýdıomaterıaly), razmeshennyh na saıte http://top-news.kz, razreshena tolko po soglashenıý s redaksıeı "NK". Bez soglashenıa dopýskaetsá tolko sıtırovanıe materıalov s gıperssylkoı (nazvanıem statı v vıde aktıvnoı ssylkı na adres materıala na saıte http://top-news.kz/index.php?np=00013550&nl=1&tp=N&npN=00013550&sR=44899971&npMWp=---&npAWp=&npWp=1&npKd=80616211).
E-mail: [email protected]; Telefon: 8 (7142) 54-62-46.

---

Tilashar toıynan keıin bala sabaqqa, ıaǵnı burynǵysha medresege, mektepke barady. Ár ata-ana moldaǵa óz balalaryn amanattaıdy. «Moldeke, balamnyń súıegi meniki, eti meniki» dep tapsyrady. Bul bilim, tárbıe alý jolynda qandaı aýyrlyq, jumys bolsa da «istet, úıret» degen sóz. «Sabaq basy» dep tıyn-teńge mal usynady. Shyndyǵynda moldanyń tártibi qatań-dúre soǵýǵa da, basqa da jaza qoldanýǵa erikti bolǵan. Ondaıda jazalanǵan balasy úshin moldaǵa eshqandaı ókpe, renish bolmaǵan. Kerisinshe, ár ata-ana moldanyń (ustazdyń) talabyn balasyna sózsiz oryndaýda, oǵan baǵynýdy talap etken. Ótken ǵasyrlarda bıligi bar kisiler óz aýyldaryna bir-bir molda nemese saýatty adamdar ustap balalaryn oqytqan. Ondaı oqýlardy «til syndyrý» dep te ataǵan. Árıne, olar kezinde arab árpimen jáne dintaný sabaǵymen birge esep, til taný, geografıa jáne basqa pánderdi de oqytyp, saýatyn ashqan. Aýqatty adamdar jeke metep te ashqan. Sondaı mektep ashqany úshin Naýan haziret (Naýryzbaı Talasov), Beıis molda, Sháımerden Qosshyǵulov (bul kisi 1906 jyly Reseı memlekettik Dýmasyna depýtat bolǵan) taǵy basqa adamdardy patsha ókimeti qýǵynǵa ushyratqan. Ondaǵy maqsattary, árıne, baǵynyshty halyqtardy qarańǵylyqta, túnekte, bilimsizdikte ustaý bolatyn.