InfoHub Logo

Qazirgi tańda jumysymyzdyń kóp bóligin kompúterdiń kómegimen atqarýǵa týra keledi. Al onyń kózimizge, jalpy densaýlyǵymyzǵa zıandy tustaryn aıtpaı-aq bilesizder. Sondyqtan mamandar kózimizdi qorǵaý úshin sábiz shyrynyn ishýge keńes beredi. Ol adamnyń optıkalyq júıesin jaqsartady. Onyń quramyndaǵy paıdaly elementter qanaınalymdy da qalypqa keltirýge kómektesedi. Sonymen qatar júrek-qan tamyr aýrýlary, búırek, baýyr aýrýlaryna shaldyqqan kezde óte paıdaly. Dárýmen men mıneralǵa baı jáne deneniń kúndelikti qajettiligin qamtamasyz etýde kómekshi bolady. Ony asqazan sóliniń qyshqyldyǵyn tómendetý úshin de tutynady.

Denemizge kóp jaǵynan paıdaly bolǵan sábizdiń jáne sábiz shyrynynyń eń mańyzdy 10 paıdasy:

1) Baýyr fýnksıalarynyń qorǵanysy jáne as qorytý júıesinde óte áserli.

2) Quramyndaǵy E dárýmenimen qaterli isik aýrýynyń aldyn alady.

3) Qartaıýmen baılanysty shyǵatyn aýrý, syzdaýlar sábiz shyrynyn ishý arqyly azaıtylýy múmkin.

4) Tabıǵı A dárýmeniniń qaınar kózi bolǵandyqtan kóz saýlyǵyn, kórý qýatyn arttyrady. Súıekke jáne osteoporozǵa jaqsy áser etedi. 

5) Quramyndaǵy kalıımen holesterınge jáne gıpertonıaǵa qarsy kúresedi.

6) Ót jáne baýyr fermenteriniń jaqsarýyna áser etedi. Maı jınalýyn azaıtady.

7) Terini jandandyrady, ádemileıdi.

8) Sábiz shyryny kúshti antıoksıdant beta-karotennen baı bolǵandyqtan jasýsha degenerasıasynyń aldyn alady.

9) Biraz lımon jáne záıtún maıy qosylyp daıyndalǵan sábiz salaty nemese sábiz shyryny zeıindi ashady, oılaý qabiletin damytyp, úırenýdi jyldamdatady.

10) Sábizdiń jáne sábiz shyrynynyń kalorıasy az bolsa da qaryndy toıdyrady. Aryqtaýda jáne salmaqty saqtaýda jaqsy áser etedi. Kúnine 1, 2 dana kishkene sábizdiń jelinýi nemese shyrynynyń ishilýi qaryndy toq ustaıdy.

---