InfoHub Logo

Taıaý aradaǵy birneshe aı ishinde sábı sondaı tez ósedi. Ol sezinip, qarym-qatynas jasap, qozǵalyp, sóıleı bastaıdy. Alaıda, ol Sizdiń súıispenshiligińiz ben qamqorlyǵyńyzdyń arqasynda ǵana óz jetistikterine qýanyp, rahattana alady. Sábı damýynyń árbir satysyndaǵy erekshelikterdi bilý arqyly, siz onyń álemdi ashyp, jańa áserlerge ıe bolýyna kómektese alasyz. Ár mınýtty qasterleńiz, sebebi, bári de tuńǵysh ret jáne kútpegen jerden bolady.

1 aılyǵynda

Etbetinen jatyp, Sizdiń sábıińiz basyn kóterip ustaýǵa tyrysady.

2 aılyǵynda.

Sábıińiz kúledi jáne "ýildi" dybystar shyǵarady. Bul merzimde sábı óziniń aınalasyndaǵy zattarǵa qyzyǵýshylyqpen qaraı bastaıdy.

3 aılyǵynda.

Sábı Sizdiń júzińizdi, daýysyńyz ben ıisińizdi biledi. Siz shaqyrǵanda, ol daýys shyqqan jaqqa moıyn buryp, kúledi de, jaýap ornyna "ýildeıdi".

4 aılyǵynda.

Sábı basyn senimdi ustaıdy. Qolynan tartyp kótergende, ol turýǵa talpynady. Sábı sondaı-aq, óz oıynshyqtaryna talpynyp, olardy ustaýǵa tyrysady. Bul merzimde sábıdiń alǵashqy tisteri shyǵýy múmkin.

5 aılyǵynda.

Sábıińiz óziniń atyna eleńdeıdi. Sábıińizdiń úıdegi beıtanys adamdardy baıqaýyn da ańdýyńyz múmkin. Bul kezde sábı negizgi tústerdi ajyrata biledi. Shalqasynan jatyp, etbetine aýnaı alady.

6 aılyǵynda.

Sábı ózine arnalǵan daýys yrǵaǵyn saralaı alady jáne birqatar dybystarǵa elikteı bastaıdy. Nazar aýdaryńyz, ol aýzymen kópirshikter úrleıdi.

7 aılyǵynda.

Sábıińiz birkelki dybystar shyǵarýǵa tyrysady. Búldirshin belsendi eńbekteýdi bastaıdy, oıynshyqty alyp, ony aınaldyrady nemese tipti jaqyn jerde turǵan zatqa qolyn sozady.

8 aılyǵynda.

Bul kezde sábı ózi otyryp, ózi jatady, bógdeniń kómeginsiz aıaǵyna turady jáne qaıta otyrady. Bir aıaǵyn ekinshisiniń aldyna qoıyp, júrýge talpynady.

9 aılyǵynda.

Sábı belgili bir býyndardy qaıtalaýǵa tyrysady. Zattarǵa súıenip, bólme ishinde júre bastaıdy.

10 aılyǵynda.

Sábıińiz ózi estigen sózderdi qaıtalaýǵa qulshynady. Suraǵan kezde ol ózine tanys oıynshyqty taýyp, ákelip beredi. Shólmekten ishken kezde, ony tik ustaýǵa Sizge kómekteskisi keledi.

11 aılyǵynda.

Bul kezeńde náreste "ber" degen sıaqty qarapaıym sózderdi aıta bastaıdy. Ol qumarlana oınaıdy. Mysaly, tekshelermen, tipti óz betimen tura da alady.

12 aılyǵynda.

Bul kezde Sizdiń sábıińizdiń sózdik qory 8-9-ǵa jýyq sózden quralady. Oǵan qosa ol úlkenderdi attary boıynsha ajyrata alady.

---