InfoHub Logo

Tárbıe saǵaty: «Sábı»
Maqsaty:
Oqýshylarǵa sábı, náreste, bóbek, búldirshin, baldyrǵan, jetkinshek, jasóspirim, ulan, baýyr týraly túsinik berý. Sábıge baılanysty naqyl sózder, yrymdar, salt - dástúrler, otbasy týraly túsinikterin keńeıtý.
Kórnekiligi: AKT qurylǵysy, oqýshylardyń sábı kezindegi foto sýretteri, kórinis
1 júrgizýshi: Nurjigit: Qurmetti ustazdar, ata analar, oqýshylar! Búgingi «Sábı» atty tárbıe saǵatyna qosh keldińizder!
2 júrgizýshi: Nazıra: Sábı - 1 - 5 jas aralyǵyndaǵy áli es bilmeıtin balalar. Sábı – ómirdiń gúli, kóz súıinishi, áke - sheshe dánekeri, jas balanyń jupar ıesi - kóńildiń hoshy, jandy jadyratar nury. Sózi - bal. qylyǵy - qýanysh, súıseń - shárbat. Sábıge jumaq esigi ashyq. O dúnıede ata - ana qorǵanyshy, arashashysy jáne jeńildik áperýshi perishte tektes pák jaratylys tobyna jatady. Ábden qartaıǵan qarttar men qarıalar da sábı tobyna jatady.

Álıa: Shaqalaq - aıy. kúni tolmaǵan túsik.
Nuraly: Náreste - jańa týǵan jórgektegi sábı, keıde sharana dep te atalady.
Dastan: Bóbek - alty aıdan asqan besiktegi bala.
Sábıdi perishte qorǵaıdy.
Bala hannan úlken.
Ashamaı nardan úlken.
Bala tili - bal.

Aıajan: Búldirshin 5 - 6 jastaǵy balalar súıkimdi ári áljýaz, qylyǵy qyzyqty bolady. Bulardy qazaq oıyn balasy dep te ataıdy. Olar ár nársege elikkish, bilýge qumar, tilalǵysh, elgezek bolyp ósedi. Olaı bolsa, osy jastaǵy balalarǵa durys tárbıe bergen jón. Búldirshin degen ataý negizinde túıeniń botasynyń bir ataýy. Balalaryn qozym, qulynym, botam, taılaǵym dep erkeletetin, erlerin narym dep asqaqtatatyn qazaq óz balalaryn da keıin osylaı atap ketken.
Bala - ómirdiń gúli.
Bala - baqyt.

Azamat: Baldyrǵan 7 - 10 jasqa kelgen, oń - solyn tanıtyn, mektep qabyrǵasynda
oqıtyn balalar. Bular jeńil - jelpi jumystarǵa nemese jumsaýǵa jarap qalǵan qolǵanat, ata - ananyń kóńil qýanyshy, ári aldaǵy kúnderdegi úmiti.
Balany jumsaǵanyń bilinbeıdi.
Taıdy mingeniń bilinbeıdi.
Nuraly: Jetkinshek, jasóspirim – kámeletke tolmaǵan, aqyl esi kirgen ul men qyzdar. Olar óziniń aldyndaǵy boıjetkender men bozbalalarǵa qarap, eliktep ósedi. Bul jerde olarǵa jaqsy úlgi, tálim óte qajet Jasóspirimderge tárbıe berý - ári ulttyń. Ári ata - ananyń zor mindeti. Jetkinshek ósedi, jetim jetedi.
Nurdáýlet: Ulan. Jas jigitter men bozbalany halyq ósip kele jatqan ulandar degen. Bul negizinde Otandy qorǵaıtyn sarbazdarǵa kóbirek qoldanady. Qazir sarbazdardy áskerı shákirtterdi ulandar dep ataıtynymyz sondyqtan. Ulandar - el qorǵany, jastyq sımvoly.
Aqyl - jas ulannan, júırik taı - qulannan.
Qarlyǵash: Baýyr. Aǵaıyndy jigitter men qyzdar ózderinen jasy kishi inilerin baýyrym dep te ataıdy. Baýyrlar ózinen úlkenderge qansha arqa súıep erkelese, olardyń aǵa – apalary da erekshe kózben qarap, jaqsysyna súısinip, jamanyna kúıinedi, tilegin tileıdi, aqyl – keńes beredi. Osyǵan oraı baýyr da olar úshin óz qyzmetin aıamaıdy. Aǵa – apalary ol úshin malyn da, janyn da ortaǵa salady, otqa da kúıedi, sýǵa da túsedi.

1 - júrgizýshi: Sábıge baılanysty kóptegen mynadaı halyqtyń yrymdary bar:
Nurjigit: - Sábıdiń qyrqynan shyqqanda qaryn shashyn almasa, qar, ysy qatty bolady.
Azamat:- Sábı tońqaıyp, eki aıaǵynyń astynan qarasa, qonaq keledi.
Nazıra: - Sábı qolyndaǵy zattaryn shashý dep shashsa, ol úıge kóp keshikpeı qonaq keledi
Qýandyq:- Sábıge kóz tımes úshin betine kúıe jaǵyp qoıady.
Án « Shildehana, besik toı»
1 - júrgizýshi: Otbasy týraly málimet beredi
2 - júrgizýshi: Týystar týraly málimet beredi
Nurdáýlet: Ata.
Ata bizge kelińiz,
Daıyn sizge tórimiz.
Baı dastarqan basynda
Batańyzdy berińiz.
Júzińizden ár taımaı,
Júz jasańyz qartaımaı.
Nurjigit: Áje.
Áje keldi alaqaı!
Ájeme kel, balaqaı!
Qoltyǵynan demeıik,
Kórpe tósep bereıik.
Tynyǵyp, áje, sergińiz,
Ertek aıtyp berińiz.
Súıip - súıip alamyz,
Sázge bala bolamyz.
Azamat: Ana.
Ana - bizdiń kúnimiz,
Ananyń biz - gúlimiz.
Ulandardy qýantyp,
Uzaq ómir súrińiz!
Álıa: Ana.
Ana - deımiz bárimiz de ańqyldap,
Ana - deıdi jas sábı de jarqyldap.
Ana - degen báıteregi ómirdiń,
Ana - degen altyn qazyq altyn baq.
Án: «Ananyń tili»
Qýandyq: Áke.
Áke - kún, bilip al:
Ákeniń tilin al,-
Dedi aǵam Maqulbek
Qýandym maqul dep

Án: «Ákeler»

Dastan: Aǵa.
Qamqorshymyz aǵamyz,
Sizden tálim alamyz.
Bizben birge oınańyz,
Biz qýanyp qalamyz.
Án: «Aǵalarym»
Qarlyǵash: Ápke.
Kún men aıym -
Ápketaıym
Jumsasań,
Bolam daıyn.
Álıa: İni.
Kip-kishkentaı inim bar,
Kúlimdegen kúnim bar.
Aınalaıyn inimnen!
Aınalaıyn kúnimnen!
Aıajan: Sińili.
Ápkemniń sińilisi
Alady úlgisin.
Ápkesi sol úshin,
Súıedi sińilisin.
Án: «Asyl ákem»
Nuraly: Naǵashy.
Anamnyń anasy,
Atasy, aǵasy...
Bári de súıikti,
Naǵyz jurt - naǵashy.
Nurjigit: Jıen.
Bek - atamnyń jıeni,
Atam ony súıedi.
Sálem berip ataǵa,
Jıeni bas ıedi.
Nazıra: Bóle.
Nur ekeýmiz - bólemiz,
Qatar ósip kelemiz.
Birge týǵan anamyz,
Biz - týysqan balamyz.

1 júrgizýshi: Qazaqtyń sábıge baılanysty mynadaı salt - dástúrler bar.
Itkóılek. Nurdáýlet
Qyrqynan shyǵarý. Aıajan
Besikke salý. Nazıra
Tyshtyrma. Qarlyǵash
Tilashar. Alıa
Ashamaı. Nazıra

2 - júrgizýshi. Kóptegen salt - dástúr ishinen sizderge «tusaýkeser» kórinisin tamashalańyzdar!
Tusaýkeser. Azamat
Kórinis kórsetý.
Aıajan:
O, ata - ana!
Taıanyshy tiregi!
Bar baqytty bir basyna tiledi.
Balalarym jaqsy bolsyn dep qashanda
Lúpildeıdi seniń qamqor júregin
Azamat:
Árbir sábı ómirge baqytty bolý úshin keledi. Sábı ata - anasy qasynda bolyp, anasynyń aq sútin toıa emip, meıirimdi alaqannyń jylýyn, ákesiniń asqar taýdaı qorǵany ekenin sezinip ósse, ol boıyna barlyq asyl qasıetti jınaǵan parasatty azamat bolyp ósedi.

1 - júrgizýshi:
Dúnıede sábıdiń shat kúlkisine jetetin eshteńe joq. Ómirdiń máni de, sáni de balanyń baqytymen ólshenedi. Sondyqtan memleketimiz senderdiń ashyq aspan astynda gúldeı jaınap júrýlerine, zaman talabyna sapaly bilim alýlaryna tolyqtaı múmkindik jasap otyr.

2 - júrgizýshi: Tynyshtyq barshamyzdyń uranymyz,
Máńgilik taýsylmaıtyn jyr - ánimiz
Armannyń asqaryna qanat qaqqan
Baqytty beıbit eldiń ulanymyz
Hor: Jas dáýirdiń túlegimiz
1 - júrgizýshi: Qurmetti ustazdar, ata analar, oqýshylar! Búgingi «Sábı» atty top jıynymyz aıaqtaldy. Nazarlaryńyzǵa rahmet!