InfoHub Logo

Sham shaharynda turǵanda Ábý Nasyr ál-Farabı bir jaǵynan shahtyń baý-baqshasyn kútip-baptasa, ekinshiden, qoly bos kezinde óleń jazýmen shuǵyldanypty.

Baqshadaǵy haýyz janynda, baǵdat kilemshe ústinde qus jastyqqa shyntaqtaǵan ol oı ústinde otyrady. Máýe aǵashtarynyń butaǵyna qonǵan bulbul qustar saırap turady. Ol omyraýyna túsken salaly aq saqalyn sıpap otyryp, myna bir shýmaqtardy qaǵaz betine túsiripti:

Ketkenim joq, elim, senen ataq, baqyt, taq izdep,

Shyqtym, jurtym, shalǵaı ǵylym atty sham izdep.

Aqtadym men aq sútińdi kelgeninshe shamamnyń,

Assamdaǵy seksen jastan sábıińmin, balańmyn.

Júzim synyq, kóńilsiz kúıge tústim men búgin,

Saǵan degen serpe almaımyn yntyzarlyq túndigin,

Aınalaıyn atam qypshaq, týǵan jerim, saǵyndym,

Óz atyńa, úrmetińe qaıda júrsem tabyndym.

Bul joldar ári ǵalym, ári shaıyr babanyń jasy seksennen asqan shaǵyndaǵy týǵan eline degen saǵynysh sazy bolsa kerek.

---