InfoHub Logo

Sabaqtyń taqyryby: Saken – jyrdyń sarqylmas darıasy
Sabaqtyń maqsaty: Saken Seıfýllınniń ómirnamasyna sholý jasaı otyryp, ár oqýshysy sanasyna eline, jerine, tiline degen ińkár sezimderi arqyly darytý,

Kesh barysy:
1 - júrgizýshi: - Armysyzdar, qurmetti qonaqtar! XX ǵasyrdaǵy qazaq poezıasyn jańa túr, tyń mazmunmen baıytqan aqıyq aqyn, iri memleket qaıratkeri, sarabdal jazýshy, dramatýrg, ádebıet zertteýshisi, respýblıka qalamgerleriniń betke ustar bedeldi serkesi, osylarǵa sal - seriligi men sırek ushyrasatyn symbattylyǵy qosylyp, kóziniń tirisinde - aq ańyzǵa aınalǵan Sáken Seıfýllınniń 120 jasqa tolýyna baılanysty «Sáken – jyrdyń sarqylmas darıasy» dep atalatyn ádebı keshimizge qosh keldińizder!

2 - júrgizýshi: - Atyńnan aınalaıyn qaıran Sáken,
Umytpan demim bar da tulǵańdy ásem.
Tý ustap, tulpar minip, qol bastaǵan,
«Tar jolda, taıǵaq keship» boldyń kósem.
1 - júrgizýshi: - Qýandy eliń, óshkenimdi jandyrdyń,
Erligińmen el meıirin qandyrdyń.
Tý túbinen taımaı baryp tý alyp,
Er atyńdy máńgi óshpesteı qaldyrdyń.

2 - júrgizýshi: - Batyr ulyn – janǵa balap súıer el,
«Elim» degen erge basyn ıedi el.
Qart Alataý, Edil, Jaıyq, Saryarqa,
Quttyqtaıdy Kókshedegi qalyń el.

Júzbaeva Aqerke
Sarnaıdy búgin jel nege,
Japyraqtar syńsyp týlaıdy?
Kúńirenip búgin kól nege,
Soqtyǵyp munsha týlaıdy?
Kúlmeımin búgin men nege,
Túnergen qabaq yzbarly?
Dombyra kúıi pernede,
Dál búgin nege tym zarly?
Túnerip qabaq kúnimen,
Túıilip neni oılaıdy?
Dombyra zarly únimen
Neni aıtyp búgin qoımaıdy?
Dombyra, káne, jyrlaı gór,
Túnergen qabaq ashylsyn!
On saýsaq bılep zyrlaı gór,
Kókirektiń lebi basylsyn!

1 - júrgizýshi: - Tart kúıińdi, dombyra,
Taý sýyndaı sarqyra,
Tyńdamaǵan qalmasyn,
Qulshyna tart dombyra.
Kezekti kúıge bereıik.
Qudaıbergen Asylhan. – «Barlyq halyq pen barlyq ult, barlyq uly men tamasha nárselerdi jasaýǵa qabiletti. Árbir azamat óz ultyn súıýge tıis jáne ultyna degen tereń súıispenshiligi men maqtanysh sezimi arqyly basqa ulttardy tanyp súıe bilýi tıis», deıdi Baýyrjan Momyshuly. Osy keremet sózder Sákenniń tula boıynda tolyq bar.

Ybyraıym Manas. Sáken Seıfýllın ózi sulý tabıǵatyn talaı ret tebirene jyrlaǵan ólkede — Aqmola ýezi, Nildi bolysynyń Birinshi aýylynda (qazirgi Qaraǵandy oblysynyń Jańaarqa aýdany) ortasha aýqatty kisiniń otbasynda dúnıege keledi. Ákesi Seıfolla seriligi bar dombyrashy, saıatshy, sózge sheshen kisi eken de, sheshesi Jamal áńgime, ańyz - ertekti kóp biletin ári náshine keltirip aıtatyn salıqaly ana bolypty. Mahkambaeva Shyraı. Sáken áke minezin, ónerin boıǵa juqtyryp, ana áńgimelerin jalyqpaı tyńdap, zerdesine túıip ósedi. Aınalasyna abaıshyl, qyltyń-syltyńy joq birtoǵa bala bolady, Uǵymtal Sáken aýyl moldasynan ońaı hat tanyp, qolyna túsken eskili - jańaly kitaptardy bas almaı oqıdy. Ákesi toǵyz jasar Sákendi til úırensin dep Nildidegi tanys orysynyń úıine turǵyzady. Sáken álgi úıdiń taýsylmaıtyn qara jumysyn tıanaqty atqara júrip, kempirinen bir jyl orys tilin úırenedi.

OQO, Saryaǵash aýdany, Derbisek aýyly,
№31 T. Bıgeldınov atyndaǵy jalpy orta mektebi
Omarova Aıgúl Baıdýllaqyzy

Tolyq nusqasyn júkteý