InfoHub Logo

Qazaq tili 2 synyp
Sabaqtyń taqyryby: San esim
Sabaqtyń maqsaty:
1) Bilimdilik: San esim týraly oqýshy uǵymyn keńeıtý, teorıalyq alǵan uǵymdaryn mysaldar arqyly tereń meńgerý, eseptik, rettik, dara, kúrdeli túrlerine ajyratý.
2) Damytýshylyq: Oı – órisin keńeıtý, tanymyn arttyra otyryp, jyldam oılaýǵa, pikirin jetkize alýǵa, durys sheshim qabyldaı bilýge baǵyttaý, óz oıyn dáleldeı alýǵa múmkindik týǵyzý.
3) Tárbıelik: Balalardy birlikke, uıymshyldyqqa, yntymaq pen birlikke, joldastyqqa, kómek kórsetýge baýlý.
Sabaqtyń túri: jańa sabaq
Sabaqtyń tıpi: pysyqtaý sabaq
Sabaqtyń ádisi: aýyzsha sóıleý, suraq - jaýap, áńgime qurý.
Sabaqtyń kórnekiligi: ınteraktıvti taqta.

Sabaqtyń barysy:
I. Uıymdastyrý kezeńi.
Psıhologıalyq daıyndyq.
- Búgin qaı kún?
- Aptanyń neshinshi kúni?
- Qaı aı?
- Sáýir neshinshi aı?
- Qaı mezgil?
- Aýa – raıy qandaı?
- Al senderdiń kóńil – kúıleriń qalaı?
Endeshe búgingi sabaǵymyzdy da osyndaı kóterińki kóńil kúıde ótkizeıik.

II. Úı tapsyrmasyn tekserý.
Úıge berilgen 2 – jattyǵý tekseriledi. Sýret boıynsha jazyp kelgen áńgimeleri oqylady. San esimderdi taýyp, suraq qoıady.

III. Jańa sabaq.
Qyzyǵýshylyqtaryn arttyrý.
Ártúrli sandardy qıyp beremin. Ony qurastyrady. (juppen jumys jasaıdy) Sol sandar boıynsha birneshe suraqtar qoıylady.
- Bular neler?
- Senderde qandaı san shyqty?
- Ol neshe tańbaly san?
- Osy sannyń kórshilerin ata.
- Men senderge nelikten sandar berdim dep oılaısyńdar?
- San esim degenimiz ne?
- San esimniń suraqtaryn kim ataıdy?
- San esimderdiń qandaı túrlerin bilesińder?
Eseptik san esimge mysaldar keltiredi, ony kelesi oqýshy rettik san esimge aınaldyrady.
(bir – birinshi, on, - onynshy t. b.)

Dáptermen jumys.
Dápterdi ashyp, búgingi kún jazylady.
Kórkem jazý jumysy oryndalady.
T t áripi, tórt, toǵyz sózderi jazylady.
Osy sózderge aýyzsha dybystyq taldaý jasatamyn.
Sózdik dıktanty jazylady.
On, jıyrma, elý, toqsan, onynshy, jetinshi, otyz bes, jıyrma úsh.
Jazyp bolǵan taqtadan durys nusqasy kórsetiledi. Oqýshylar birin – biri tekseredi.

Oqýlyqpen jumys.
1 - jattyǵý.
Berilgen sózderdiń ishinen san esimderdi terip jazady. San esimderdi qatystyryp, aýyzsha sóılemder qurastyrylady.
2 - jattyǵý. Aýyzsha oryndalady.

Sergitý sáti.
3 - jattyǵý. Jumbaq oqylady. Sheshýin tabady. Kóshirip, san esimderdiń astyn syzady.
5 - jattyǵý. Taqtadan rebýs kórsetiledi. Qaı oqýshy jyldam oılanyp, sheshimin tabatynyn anyqtaımyz. Rebýstiń sheshýi «Jetisý» týraly slaıd kórsetilip, qysqasha maǵlumat beriledi. «Jetisý» sózi nelikten bas árippen jazylǵany, qaı sóz tabyna jatatyny suralady.
Jetisý jeri Almaty oblysynyń aýmaǵy. Ol kóp ǵasyrlyq tarıhy bar, óte ásem jáne ǵajaıyp ólke. Jetisý atyn quraıtyn 7 ózen bar. Olar: Lepsi, Basqan, Sarqan, Aqsý, Búıen, Qaratal jáne Kóksý ózenderi.
Ár túrli maǵynadaǵy mynadaı tórt sóz beriledi. Toǵyz, ata, aýla, sómke. Osy sózderdi qatystyryp, aýyzsha birneshe sóılemnen turatyn shaǵyn áńgime quraıdy.
«Báıge» oıyny oınalady.
San esimi bar maqal – mátel aıtylady. Bir - ekeýine toqtalyp, maǵynasyn ashady. Ýaqyt qalsa qasıeti sandar týraly aıtylady.

IV. Qorytyndy.
San esimge baılanysty 5 suraqtan turatyn shaǵyn test alynady.
V. Úıge tapsyrma.
VI. Baǵalaý.
Eki qatardyń jumystary qorytyndylanady. Oqýshylar jeke baǵalanady.