InfoHub Logo

4 synyp
Sabaqtyń taqyryby: Qazaqstan - táýelsiz demokratıalyq memleket

Sabaqtyń maqsaty:
1. Bilimdilik: Elimizdiń táýelsizdigi týraly óz oıyn jetik aıta bilýge, berilgen tapsyrmalardy ınteraktıv taqtanyń múmkinshilikterin qoldana otyryp, durys oryndaı bilýge úıretý. Saýatty sóıleýge daǵdylandyrý, sóıleý mánerin qalyptastyrý.
2. Damytýshylyq: Oqýshylardyń bilimin, tanymdyq qabiletin, saýattylyǵyn, sózdik qoryn damytý. Aýyzeki sóıleý daǵdysyn, oı - órisin keńeıtý.
3. Tárbıelik: Otanǵa, el men jerge, tilge, ultqa degen qurmetin arttyrý.

Sabaqtyń barysy:
I. Uıymdastyrý kezeńi.
Ártúrli tústi fıgýralardy tańdaıdy. Sol boıynsha toptarǵa bólinip otyrady. Tańdaǵan tústerge baılanysty qysqasha maǵlumat aıtylady.
Oıyn: Tús tańda.
İ top Qyzyl. İİ top Sary. İİİ top Jasyl. İV top Kók.
Tańdaǵan tústiń syryn bilesiń be?
Qyzyl tús – ushqyr oıly, alǵyr, barlyq jaǵdaıda oılanyp sheshetin adamdar.
Sary tús – armanshyl, bolashaqqa umtylǵysh, ótkendi kóp eske alatyn adamdar.
Jasyl tús – yntaly, barlyq jaǵdaıda ózin jaqsy jaǵynan kórsetetin adamdar.
Kók tús – zeıindi, sypaıy, barlyq nárseni oılanyp, aqylmen, shydamdylyqpen sheshetin adamdar.

II. Úı tapsyrmasyn tekserý.
Úıge berilgen "Qazaqstan mádenıeti" taqyrybyna daıyndap kelgen qosymsha maǵlumattar suralady. (slaıd, referat, plakat)

III. Jańa sabaq.
Qazaqstan týraly beınebaıan kórsetý. (beınebaıan)
- Beınebaıan ne týraly boldy?
- Osy beınebaıandy tamashalaı otyryp qandaı oı keldi?
- Ne aıtýǵa bolady?
Endeshe búgingi sabaǵymyz Qazaqstan týraly bolmaq. Sabaqty bastamas buryn jalpy Qazaqstan týraly ne biletinderińdi bilgim keledi. Ol úshin bolashaqta jýrnalıs mamandyǵyn tańdaǵysy keletin Týltaeva Tomırıs senderden suhbat alǵysy keledi.

Suhbat.
- Qazaqstan táýelsizdigin qaı jyly aldy?
- Táýelsizdik merekesi qaı kúni toılanady?
- N. Nazarbaev atqaryp otyrǵan laýazym qalaı atalady?
- Elimizdiń Ata zańy Konstıtýsıa qashan qabyldandy?
- Týdyń avtory kim?
- Memlekettik rámizderdi ata.
- Eltańbanyń avtory kim?
- Ánuranymyzdyń avtory kim?
- Memlekettik til qaı til?
Muǵalimniń sózi:
- Endeshe balalar búgingi taqyrybymyzdy bastaıyq. Taqyryp «Qazaqstan - táýelsiz demokratıalyq memleket» dep atalady. Táýelsizdik, demokratıalyq degen sózderge túsinikteme berip ótý.(slaıd)
Táýelsiz - óz erkimen óz taǵdyryn anyqtaý quqyǵy.
Demokratıa - sózi “halyq bıligi” degen maǵynany bildiredi. (slaıd)