InfoHub Logo

Sandy 3 - ke kóbeıtý kestesi (qaıtalaý)
Sabaqtyń maqsaty:
1. Bilimdilik: Kestelik kóbeıtý jáne bólý erejelerin qaıtalaı otyryp, 3 - ke kóbeıtý jáne bólýdi úıretý, uǵyndyrý. Kóbeıtý kestesin qurýdy, kóbeıtýdiń aýystyrymdylyq qasıetin paıdalanýǵa úıretý.
2. Damytýshylyq: Oqýshylardyń oı - órisin, este saqtaý qabiletin ózdiginen jumys isteý daǵdysyn, pánge degen qyzyǵýshylyqtaryn arttyrý. Bilim, bilik, daǵdylaryn keńeıtý, qıalyn, aýyzsha esepteý qabiletterin damytý.
3. Tárbıelik: Oqýshylar ózgeniń pikirin tyńdap, óz oıyn erkin aıtýǵa baýlý, belsendilikke, uqyptylyqqa tárbıeleý.
Sabaqtyń túri: aralas sabaq
Sabaqtyń ádisi: túsindirý, suraq - jaýap, toppen jumys, oıyn, matematıkalyq dıktant, logıkalyq suraqtar.
Pánaralyq baılanys: ana tili
Kórnekiligi: kóbeıtý kesteleri, úlestirmeli qıma qaǵazdar, kóbeıtý kestesine baılanysty sýretter.
Sabaqtyń barysy:

I. Uıymdastyrý kezeńi
Psıhologıalyq daıyndyq.
Al, qanekeı, balalar,
Beri qaraı qaraıyq.
Qajet qural, kitapty,
Aldymyzǵa alaıyq.
Alańdamaı basqaǵa,
Sabaqqa nazar salaıyq.
Durys esep sheshimin,
Muqıatpen tabaıyq.

II. Úı tapsyrmasyn tekserý.
№ 7. Órnekter qur, mánderin esepte.
4*3 = --------- 12/3= 4 ------- 12/4 = 3 ------ 3*4 = 12
5*3 =
6*2 =
7*2 =
8*2 =

Shyǵarmashylyq tapsyrma.

III. Ótken sabaqty pysyqtaý.
- Balalar, biz ótken sabaqta sandy 2 - ge kóbeıtý kestesin ótip, esepter shyǵardyq. Qazir sony qalaı meńgergenderińizdi bilý úshin suraqtar qoıyp ótkendi eske túsiremiz.
- Kóbeıtý amalyna keri amal?
- Kóbeıtýdiń komponentterin ata?
- Bólýdiń komponentterin ata?

IV. Jańa sabaq
Sanǵa baılanysty danalyq sózder ary - beride bizdiń qazaqta ǵana bolsa kerek. Babalar qaldyrǵan osynaý danalyqty urpaqtan - urpaqqa amanattap jetkizý bizdiń boryshymyz. Búgin aldaryńyzǵa "úsh" sanyna baılanysty sózderdi ákelip otyrmyz. Jeti sany týraly aıtyp óttik. Qazaq yrymdap, jaqsylyqqa balaǵan tórt, bes, toǵyz, on bir, qyryq sandary týraly alda taǵy da málimetter beretin bolamyz.

1. Úsh jurt: Aǵaıyn jurt, naǵashy jurt, qaıyn jurt
2. Úsh baılyq: Birinshi baılyq – densaýlyq, ekinshi baılyq – aq jaýlyq, úshinshi baılyq – on saýlyq.
3. Úsh qýat: Aqyl qýat, júrek qýat, til qýat.
4. Úsh arsyz: Kúlki arsyz, tamaq arsyz, uıqy arsyz.
5. Úsh qadirli: Yrys qadirli, baq qadirli, dáýlet qadirli.
6. Úsh qadirsiz: Jastyq shaq qadirsiz, densaýlyq qadirsiz, jaqsy jardyń qadirin bilmeý.
7. Úsh jamandyq: Qan tógý, kisi aqysyn jeý, eski jurtty buzý.
8. Úsh tátti: Jan tátti, mal tátti, jar tátti.
9. Úsh aqıqat: Qymbat – shyndyq, arzan – ótirik, daýasyz – kárilik.
10. Úsh qýanysh: Alǵys alý, ózińdi kóptiń izdeýi, jaqsy isińniń óshpeýi.
11. Úsh bıik: Bılik, dáýlet, danalyq.
12. Úsh tul: Qaıratsyz ashý tul, turlaýsyz ǵashyq tul, shákirtsiz ǵalym tul.
13. Úsh kedeılik: Kejirlik, erinshektik, uıqy.
14. Úsh baqytsyz: Jaman at, jaman qatyn, jaman kórshi.
15. Úsh kóz: Sý anasy – bulaq, jol anasy – tuıaq, sóz anasy – qulaq.
16. Úsh toqtam: Aqyl – arqan, oı – óris, adam – qazyq.
17. Úsh qasıet: Ólide árýaq, malda kıe, asta kepıet.
18. Úsh taǵylym: Meıirimnen saýap, jaqsylyqtan sharapat, jamandyqtan kesapat.
19. Úsh zaıa:
Aqymaqqa aıtqan sóz zaıa,
Qarańǵyǵa telmirgen kóz zaıa,
Bolmashyǵa qaırylǵan ómir zaıa.
20. Úshke toqtaý qyl: Ómirge toqtaý qyl, ólimge toqtaý qyl, kóńilge toqtaý qyl.
21. Úsh maqtanshaq: Qatynyn maqtaǵan, atyn maqtaǵan, asyn maqtaǵan.
22. Úsh júırik: Kóńil júırik, til júırik, qol júırik.
23. Úsh jaman: Tastarmanda qatyn jaman, kóshermende jurt jaman, jutaǵanda qys jaman.
24. Úsh jaý: Shaıpaý bolsa qatyn jaý, qydyrmash bolsa qyzyń jaý, tilazar bolsa ulyń jaý.
25. Úsh jetim: Er almaǵan qyz jetim, qaz qonbaǵan kól jetim, shalǵyny joq jer jetim.