InfoHub Logo

Keshtiń taqyryby: «Sarǵaısa da tarıhtyń aq paraǵy, Ol kúnder máńgi este saqtalady»
(Sahna ashylyp, Ekrannan beıne kórinis kórsetiledi.)
1 júrgizýshi :
- Ómir ózi minbesinen sóz berdi,
Tebirentip tolǵanatyn kez keldi.
Qan tógisti kórsek te keshegi,
Aıtamyz biz estigendi sezgendi

2 júrgizýshi :
- Soǵys berdi analarǵa jesirlik,
Deı almaımyz «Sanamyzdan óshirdik»
Bozdaqtardyń qany sýdaı tógilgen
41- de kórmedi jurt ne sumdyq?

1 júrgizýshi :- Iá, mıllıondaǵan adamnyń ómirin jalmaǵan, ári mereıin ústem etken soǵys- halyq sanasynan umtylǵan joq. « Er basyna kún týyp, etigimen qan keshken, at basyna kún týyp, aýyzdyqpen sý ishken» aýyr syn kezeńde bizdiń ondaǵan myń jerlesterimiz keshegi ortaq Otanymyzdyń bostandyǵy men táýelsizdigi úshin, jer betinde beıbit ómir ornaýy jolynda keýdelerin oqqa tosty.
2 júrgizýshi :- Endeshe, uly aǵartýshy Y. Altynsarın atyndaǵy №204 orta mekteptiń Uly Jeńistiń 67 jyldyǵyna arnalǵan «Sarǵaısa da tarıhtyń aq paraǵy, Ol kúnder máńgi este saqtalady» atty keshimizge qosh keldińizder!

(Sahnadada kúı oınalady. Halyq, beıbit ómir kórinisi júredi)
Radıo: - Tyńdańyzdar, tyńdańyzdar, 1941 jyl 22 maýsym fashısik Germanıa tutqıyldan beıbit elge basyp kirdi.
Soǵys bastaldy.
(Halyq bir- birine úreılene qarady. « Slava Otechestvennoı Voıne» áni jaımen oınalady.)
Halyq arasynan - Soǵys! Soǵys! Soǵys! (degen daýystar shyǵady. Er adamdardyń barlyǵy soǵysqa attaný kezeńin kórsetedi.Jylaý, syqtaý)
Qarıa :
- Balalarym, qyrandarym!
El shetine jaý tıgende, babań búgip qalmaǵan,
Jalǵyz júrip jol tapqansha, kóppen birge adas»- degen.
Otan úshin attan, atttan, attan!

(Osy kezde « Qasıetti soǵys»áni oınalady. Sahna syrtynda júrgizýshiler)
1 júrgizýshi : «Soǵys» degen sýyq habar. Qazaqstannyń barlyq jerine 1941jyldyń 22-shi maýsymynda kelip jetti. Osy soǵystyń qarsańynda Qazaqstannyń halqy 6 mıllıonnan astam edi.

2 júrgizýshi : - El basyna túsken syn saǵatta óz Otandaryn abyroımen qorǵaýǵa, Qyzylordalyq 150 myńǵa taıaý jaýynger, Qazalylyq 10754 jaýynger maıdanǵa attandy. Maıdanǵa halyq materıaldyq jáne rýhanı kómek berdi. Jaýyngerlerdi, halyqty rýhtandyrǵan R. Baǵlanova, J.Jabaev, K. Baıseıitovalar maıdan shepterinde boldy. Soǵys jyldarynda jerlesterimiz B. Qosaev, T. Segizov, B.Mámenov, Q. Pirimovter jeńis úshin tylda eren eńbek etti. Y. Jaqaev, .Q. Pirimov jibergen qarý - jaraqtar jaýǵa jaı otyndaı tıdi
(Sahnada kórinis eldiń tyl jumysyn jumyla jasaý kezeńi kórsetiledi. Áıel, bala- shaǵa, qarıalar)
(Radıodan jeńiske jetken habarlama qoıylady)

Bala:
- Alaqaı! AlaqaI! Alaqaı!
Jeńis! Jeńis! Jeńis!
Kókem keledi, alaqaı!
Ekranda derekti beıne fılm kórsetiledi.
1 júrgizýshi : - Surapyl synda ajalmen betpe - bet aıqasyp, teńdesi joq erlik tanytqan 518 Qazaqstandyq Keńes Odaǵynyń Batyry ataǵyn aldy. Al Syr óńiriniń 21 azamatyna Keńes Odaǵynyń Batyry ataǵy berilse, sonyń 5-i Qazalylyqtardyń úlesine tıdi.
2 júrgizýshi :- Qazaly aýdanynan 10754 jaýynger soǵysqa qatysyp, jeńispen oraldy. Olardyń óshpes erligi men dańqy urpaq úshin árdaıym úlgi - ónege, óshpes tarıhı erlik.

1 júrgizýshi : - Endi bir mezet ekranǵa nazar aýdaraıyq
(Bir mınýt únsizdik. Sahnada Qarıa)
Qarıa:- Aınalaıyn halqym! Urpaqtarym.
Bizdiń erendi eńbegimizdi elep, eskerip, mártebemizdi kóterip, qoshemettep, jyl saıynǵy elde jasap jatqan jaqsylyqtary bizdi qýantyp, marqaıtady.
Elbasymyz óz joldaýynda halyqtyń jaǵdaıyn jasaýmen birge ardagerlerge, tyl eńbekkerlerine zor kóńil bólgenine rızashylyǵymyzdy bildiremiz.
1 júrgizýshi : - ıá, mıllıondaǵan adamnyń ómirin jalmaǵan, ári mereıin ústem etken soǵys halyq sanasynan umtylǵan joq. Sol sum soǵysty kózimen kórgen, kókiregimen túıindegen ardager ata, ájem erimiz ortamyzda. ( Ardagerlerge sóz beriledi.)
2 júrgizýshi: - Sahnada Jas urpaqtar montaj «Ardagerler»
(Montajdan keıin Jas urpaqtar ardagerlerge galstýk taǵady.)
Jas ulandar: - Ardagerlerge myń taǵzym!
Án «Alıa» oryndaıtyn A.Qarlybaı.

1 júrgizýshi : - Biz Uly Otan soǵysyndaǵy Jeńistiń ár jyldaryn atap ótemiz.
Elbasy óz joldaýynda: Bul bizdiń tarıhymyzdaǵy mańyzdy ortaq data. Árbir soǵysqa qatysýshy men soǵys múgedegine búdjetten 65 myń teńge mólsherinde bir jolǵy járdem tólenetin bolady. Sol sıaqty soǵysqa qatysýshylar men soǵys múgedekterine teńestirilgen, Uly Otan soǵysy ýaqytynda qaza tapqan áskerı qyzmetshilerdiń ata- analary men jubaılary, qaza bolǵan soǵys múgedekteri men olarǵa teńestirilgen múgedekterdiń jubaılary, soǵys jyldaryndaǵy tyl eńbekkerleri de qoldaýsyz qalmaıdy.
1 júrgizýshi : Mektebimizdiń «Aqqaınar» bıshiler tobynyń « Katúsha» bıin qabyl alyńyzdar.

2 júrgizýshi :
- Erlik súıgen elińe saltyń unar,
Júzderinde janǵan ot jarqyly bar.
«Soǵys» degen salmaǵyn jalǵyz sózdiń,
Búgingi urpaq sizderdi kórip uǵar.
1 júrgizýshi: «Jeńis habary jetkende» atty 6 synyp oqýshysy N.Jubatqannyń júrek jardy óleńin qabyl alyńyzdar
2 júrgizýshi: - 1941-1945 jyldary azamat tarıhynda bolmaǵan apat soǵysta bir shańyraqtyń astyna yntymaqtasqan birlik pen dostyqtyń arasynda erekshe erlik kórsetildi.
1 júrgizýshi: - Táýelsizdik bizge ońaı kelmedi. Keshegi boıyna erlikpen, jiger tunǵan jaýynger, búgingi el qurmetine bólengen ardagerler. Ardagerler Jeńis kúnin jaqyndatty. Búgingi beıbit ómir sonyń dáleli emes pe?
- Qazaqstan búgin mine, dostyqtyń týyn tikken jer!
- Máýeli baqtaı jemisin shashyp kóp ultty.

- Qazaqstannyń búginde eńsesi bıik, kóńili kóterińki, qadamy myǵym!
(ortada shańyraq kóterilip, ulttar shyǵady)
Án « Uly elim» oryndalady.
2 júrgizýshi: - Elimniń eńsesin bıikteter, babalar tikken jeńis týyn qalyqtatar búgingi urpaq ótken tarıhymyz ben soǵysy órtinde qurban bolǵan atalarymyzǵa bas ıip, taǵzym etedi.
1 júrgizýshi: - ıá, Qazaqstan eli soǵys jyldarynda qaısarlyq tanytyp, erlik kórsetken qaharman el retinde altyn árippen jazylyp qalǵany belgili.

2 júrgizýshi:
- Elge qaýyp tónbesin,
Esen-aman bolaıyq.
1 júrgizýshi:
- Beıbit bolsyn elimiz,
Araılansyn kúnimiz.
2 júrgizýshi:
- Ardager ata - ájelrimiz.
Uzaq ǵumyr súrsin.
1 júrgizýshi:- Mereke barshamyzǵa, qutty bolsyn!
2 júrgizýshi:- Kelesi kezdeskenshe, saý - salamatta bolyńyzdar!