«Lenınshil jasqa»
Sen alǵy sherýdesiń,
Ómirdesiń
Elińniń kógindeısiń.
Tań atqanda qazaqtyń jastaryna,
Tań juldyzy Sholpan bop kóringensiń.
Aq otaýy ispettes aq jandardyń,
Arnasy - sen toǵysqan adamdardyń.
Qalam alǵan qolymnyń mektebi - sen,
Keshegi jas -
Búgingi tarlandardyń.
Iá, seı mektebisiń, mektebisiń!
Talaıdyń senen túlep ketkeni shyn.
Qarıalar qumartyp seni alady,
Birjola qartaıyp ketpeý úshin.
Jastar qazir súńgiden sez joıady,
Sensiń búgin ár úıdiń óz qonaǵy.
Basymyraq ketseń sen, batylyraq.
Basyn shaıqap kárıa máz bolady,
Jastyǵy kep, jaıyna jaz qonady...
Seni kórdim, jurtymnyń alqasynan,
Altaıynan elimniń Arqasynan -
Dárigerdiń, shopannyń qaltasynan,
Qonyshynan shoferdiń dán tasyǵan.
Mańǵystaýda, munara qalqasynan.
Seni kórdim, bıik taý jaılaýynan
Jezqazǵannyń jer asty jartasynan,
Jatyr oqyp plájda shalqasynan.
Qaıda barsam, qadirlim, seni kórem,
Jerimenen úndesken elimenen.
Jastyq kórem, syrlasqan senimenen,
Jalyn alyp, jylytyp kelgen de sen,
Qyraý qalmas qabaqta erimegen
Otyr, jastyq, ońasha tórime kep.
«Pravda» atań aıtqan jalǵastyryp,
Otyr, meniń jastyǵym, maldas quryp.
Órte!
Órte, jalynym, órtep jiber,
Júrse ósekshi, el-jurtty aýlastyryp.
Oılandyrǵan, túısintken otty lebiń,
Sen - jastyqtyń saqshysy dep bilemin!
Qadirlim.
Kóp armanym, kóp tileýim,
Ózińe taǵzym etip ótti meniń..
Sen maǵan baǵalysyń, baǵalysyń,
Jastyǵymnyń serpiltken samalysyń.
Sen - meniń mynaý alyp partıamnyń
Qolyma senip bergen jalaýysyń!
Ardaq tutyp esimin Lenınniń,
Aýytqymaı, adaspaı júre bildiń.
Sen bar jerde men barmyn!
O, jastyǵym!
O, kompasy - mıym men júregimniń!

---