Arpalysyp aqylmen, tózimmenen,
Bir sát te dem almaıdy sezim degen.
Shyr etip jerge túsken shildehana,
Keledi dúnıeni kezýmenen.
Janymdy tynshytpaıdy sezim degen,
Qalaı júr, ıapyraý, tózip denem?!
Qanshama kúnder ótti damyldamaı,
Qanshama túnder ótti kóz ilmegen,
Bilmeımin, ne izdeıdi sezim menen?!
Belgili shegi de joq, joq turaǵy,
Belgisiz, qaıda aparyp soqtyrary.
He, sezim, meni bir kún ot qylady,
He, sezim, meni bir kún joq qylady!..
Qanshama kóldeneńnen ótti qarǵyp,
Álemge ámir berip, etti jarlyq.
Ǵalamdyq zańdylyqty moıyndamaı,
Júrgeni, bardy joq qyp.
Joqty bar ǵyp.
...Adamnyń seziminen seziktenbe,
Sezimdi sezine bil, tózip, kón de.
Aqyl menen parasat buǵynady,
Shynaıy shyn sezimge kezikkende...

---