InfoHub Logo

Túsinik hat

Bastaýysh synyptarda, ásirese 1 - synypta mektep tabaldyryǵyn jańa ǵana attaǵan oqýshylar mektepke erejelerine, sabaqta otyrý úrdisine úırenbegendikten oqytý prosesine úırený, adaptasıa kezeńi biraz qıynshylyq týǵyzýy múmkin jaǵdaı. Osy kezeńde oqýshynyń sabaqqa degen qyzyǵýshylyǵyn arttyrý ustaz sheberligine tikeleı baılanysty. Ártúrli qyzyqty oıyn túrlerin oınatý, sabaqqa psıhologıalyq turǵydan daıyndyq jasaý, sabaq barysynda sergitý sátterin qoldana otyryp, alýan túrli qımyl - qozǵalystar jasatý oqýshynyń sabaqqa degen qyzyǵýshylyqtaryn birshama arttyrady.

Sabaq barysynda birsaryndylyqtan sharshaǵan balany qyzyqty bir sergitý sáti arqyly sergitip alý balanyń boıyna jańa bir kúsh berip, qyzyǵýshylyǵyn arttyrady. Usynylyp otyrǵan jınaqta sergitý sátteriniń baspa túrimen, vıdeo nusqasy jınaqtalyp, qoldanylýǵa berilgen.

Jaza, jaza, saýsaǵym,
Álsiredim sharshadym.
Bir, eki, úsh,
Qolǵa jınap kúsh!
Qane, qalam alaıyq,
Ádemilep jazaıyq.

Uzyn qulaq sur qoıan,
Estip qalyp sybdyrdy,
Oıly - qyrly jerlerden,
Ytqyp - ytqyp júgirdi.

Al, balalar turaıyq
Alaqandy uraıyq.
Ońǵa qaraı ıilip
Solǵa qaraı ıilip.
Bir otyryp, bir turyp
Bir tunyǵyp alaıyq.

Ornymyzdan turaıyq,
Belimizdi jazaıyq.
Joǵary - tómen qaraıyq,
Solǵa - solǵa túzý túr.
Ońǵa - ońǵa túzý túr,
Alǵa qaraıbir adym,
Artqa qaraı bir adym
Boıymyzǵa kúsh jınap,
Bir dem alaıyq.

Al, qanekı oınaıyq,
Oınaıyq ta, oılaıyq.
Baılap qoıyp kózińdi,
Qorshap turmyz aınala.
Atyńdy atap shaqyrǵan, aramyzda qaı bala?