InfoHub Logo

Taqyryby: «Tilashar» toıy
Maqsaty: mektepti alǵash attaǵan búldirshinderdiń alǵashqy aıdaǵy jetken jetistikterin, jeńisterin merekeleý, ótken kúnniń nátıjesin kórsete otyryp, aldaǵy ýaqytqa maqsat qoıý, ata - ana, ustazdarmen qýanyshtaryn bólisý
Ótilý barysy: Tilashar toıy ótken ǵasyrǵa saıahat, ıaǵnı HH ǵasyrdaǵy handyqtar men koróldikterge saıahat sabaǵy, koróldiktegi bal obrazynda ótedi.
Muǵalim:
Quttyqtaý sóz
Adam bolar balanyń,
Qaıtarmaıyq talabyn.
Mektepti alǵash attaǵan,
Qutty bolsyn qadamyń.

Mýzyka oınaıdy (fanfary)
Balalar ek - ekiden maskada qyzdardyń qolyn ustap kiredi.

Júrgizýshi sózi:
Jol berińder, ataqty álippe koroli keledi.

Mýzyka oınaıdy.
Koról kiredi, balalar bas ıedi, koról sóz sóıleıdi
Qurmetti hanymdar men myrzalar álippe koróldiginiń tilashar balyna qosh keldińizder! Men Álippe koroli sizderge jarty jyl boıy basshylyq etip, óz bilgenimdi úıretip, árqashanda aqylymdy aıtyp, nusqap otyramyn. Senderdiń mindetteriń aıtqandy tyńdap, qulaq salý!!!
Urpaqpen ulasady murat arman,
Báıterek boı kóterer quba taldan.
Toılańdar, qýanyńdar, aǵaıyndar,
Shalqyp qaıt, shattyq toıy -
Tilashardan!

Án «Mektebim» balalar hormen aıtady
Mýzyka oınaıdy
Álippe koroliniń jarlyǵy
Tyńdańyzdar! Tyńdańyzdar!
Álippe koroliniń buıryǵyn tyńdańyzdar!
Qazannyń 30 - ynshy juldyzynan bastap koróldiktegi barlyq oqýshylarǵa:
- Kóp oqyp bilimdi bolýǵa
- Kúnde jaqsy baǵa alýǵa
- Tártip buzbaýǵa
- Belsendi bolýǵa
- Mektep erejesin saqtaýǵa
- Basshyny tyńdap baǵynýǵa
- Dápterdi taza ustaýǵa
- Kitapty jyrtpaýǵa buıyramyn!!!
Buıryq búginnen bastap oryndalsyn!
Kimde – kim buıryqqa baǵynbasa, erejeni buzsa jaza qoldansyn!!!

Koról sózi: Esep qısap jaǵynan ne deısińder???

Qurmetti Álippe koroli koróldikte 16 oqýshy, 11 ul jáne 5 qyz bala jumys jasaıdy. 3 parta, 25 oqýshy, 2 kitap sóresi, 1 taqta bar. 9 oqýlyq jáne 13 jumys dápterimen jumys jasaımyz.

Koról sózi: Jaqsy, jaqsy 1 aı boıy esep qısapty jaqsy meńgeripsińder.
Endeshe seriler aldaryńda meniń aıdaı sulý qyzdarym óz ónerlerin kórsetpek, sender de jaýabyn qaıtaryńdar.

Ádebı montaj: Qyzdar.
Qolǵa kitap alamyn,
Marjan súzip tabamyn.
Jarqyratyp keýdeme,
Juldyz etip taǵamyn.
Men mektepke baramyn

Ómirimniń kóktemin,
Sende ótkizem dep keldim,
Altyn uıam - oqýshy:
Armandarym kóp meniń,
Atqaramyn dep keldim,
Asyl anam – mektebim!

Aqylshym asyl ustazym,
Jolymdy aıqyn nusqadyń
Qasyma kep qansha sen,
Qamqor bop qalam ustadyń.

Jaqsy kitap "Álippe",
Úıretetin áripke.
Qýyrshaqpen qoshtastym,
"Álippemen" dostastym.

Mektep degen bilim keni, jyr keni,
Mektep degen ǵylymnyń eń úlkeni.
Mektep degen tárbıeshi adamǵa,
Mektep degen danalardyń mekeni

Koról sózi: Jaraısyńdar juldyzdarym, endeshe kelip tapsyrma alyńdar, myna sózderden maqal qurastyryp. Maǵynasyn túsine bilińder
Án «Ustazym» uldar qaıyrmasynda qosylady.