Sen áli seriksiz be ediń,
Seriksiz be ediń,
Qurbyjan?
Ótipti-aý aılar, eriksiz jyldar jyljyǵan.
Japadan-jalǵyz,
Jaýatyn kúndeı tunjyrap,
Júresiń, qurbym,
He isteımin saǵan?
Qynjylam.
Jańa jarylǵan,
Jaýqazyn ediń kóktemde
Jylysyp jazyń ótken be?
Lapyldap turǵan,
Jalyn ediń ǵoı órt-keýde,
Táıir alǵyrlar,
Tanymaı seni ketken be?!
Ómirde myna,
Tap bolar talaı tosyn jaı,
Ómir - ómir ǵoı,
Ómirdiń zańy osyndaı.
Biri -Batysta,
Biri -SHyǵysta,
Jarq etip, sóngen jasyndaı,
Ótýi múmkin, jaqsy men jaqsy qosylmaı.

---