Aýady da turady, ańsarym-aı!
Áli sen esimdesiń, Arshaly saı.
Sol túni nege meni óltirmediń?
Sol túni rıza edim alsa qudaı.
Sen kýá, Arshaly saı,
Sol túni men,aqqýǵa tuzaq salyn, óltirip em.
Sol túni nege meni aıap qaldyń?
Jańadan aýyzdanǵan bóltirik em.
(Bóltirik em, arlan bop aıaqtandym.)
Shyryldap sonda seni oıatqan kim?
Esińde me,Kóz jasy...
Jalynyshty ún?..
Sol túni nege meni aıap qaldyń?!
Qara túnniń ishinde, qara baqtyń,
Atar tań, keler kúnge qaramappyn.
Taǵdyrdyń ózi bergen mahabbatty,
Tárk etip, máńgilikke jaralappyn...
Arshaly saı!
Neǵylǵan kórkem ediń!
Sol túni nege meni órtemediń?
Sol túnniń qıametin esime alsam,
Senen de, ózimnen de jıirkenemin.

---