InfoHub Logo

Sabaqtyń taqyryby: Sezim músheleri. Kóz – kórý múshesi.
Jalpy maqsattary: Oqýshylarǵa sezim músheleri týraly túsinik berý. Kózdiń qorshaǵan ortany tanyp - bilýdegi orny, mańyzymen tanystyrý.
Mindetteri: Kóz – kórý múshesiniń negizgi qyzmeti ekenin anyqtaý. Kózdi durys kúte bilýdiń erejesin bilý.
Oqytý nátıjesi: Kóz – kórý múshesiniń negizgi qyzmeti ekenin anyqtaıdy. Kózdi durys kúte bilýdiń erejesin biledi.
Kórnekilikteri: Sýretter, slaıdtar, kesteler

I. Uıymdastyrý. Psıhologıalyq daıyndyq
Balalardy shattyq sheńberine jınaý, densaýlyq týraly bir - birine tilek aıtqyzý.
II. Topqa bólý.
Ortada sezim músheleriniń sýretteri jatady. Oqýshylar bir – birden sýretterdi tańdap alyp, sol sezim músheleriniń sýretteri boıynsha topqa bólinedi. Top basshylary saılanyp, olarǵa baǵalaý shkalasy bar kartochkalar usynylady.
Sýretter sóıleıdi
Ár top ózderiniń qolyndaǵy sýretter týraly pikirlerin aıtady.
Formatıvti baǵalaý. Qol shapalaqtaý.

1. Bilý
Biz kóremiz, estımiz, túrli ıisterdi, dámdi, ystyq pen sýyqty seze alamyz. Osy bir ǵajaıyp qabilet
ter bizge bes sezim músheleri arqyly beriledi.
Olar: kóz – kórý múshesi, qulaq – estý múshesi, til – dám sezý múshesi, muryn – ıis sezý múshesi, teri – ystyq pen sýyqty sezý múshesi. Osy bes sezim múshesi arqyly biz ózimizdi, qorshaǵan álemdi tanyp bilemiz.
Jumbaq
Eki aǵaıyndy,
Ekeýi de bir úıde,
Birin - biri kórmeıdi.(Kóz)
Endeshe, búgingi bizdiń jańa taqyrybymyz:
Sezim músheleri. Kóz – kórý múshesi
Mıǵa shabýyl. Kóz týraly ne bilemiz?
Formatıvti baǵalaý

2. Túsiný
Elektrondy oqýlyqtan kóz týraly maǵlumat
beriledi.
Kóz – kórý múshesi, adamnyń negizgi kómekshisi. Ol aınaladaǵy zattyń barlyǵyn kórýge, túrin, túsin, pishinin ajyrata bilýge kómektesedi. Eger kózdi zerttep qaraıtyn bolsaq, onyń ortasynda nurly qabyqshasy bar ekenin kóremiz. Nurly qabyqshanyń ortasynda qarashyq ornalasqan. Ol kózge jaryq ótetin terezeshe tárizdi. Jaryq kóz burshaǵy arqyly ótip, beıne kózdiń torly qabyqshasyna túsedi. Budan keıin kórý júıesi ony mıǵa jetkizedi. Sodan baryp, biz beıneni kóremiz. Kózdi sharshaýdan, zaqymdanýdan saqtaý kerek.

3. Qoldaný
Oqýlyqpen jumys. Kózdi kúte bilýdiń erejesin oqyp, maǵynasyn túsindiredi.
Kóz dárigerimen kezdesý.
Synyp oqýshysy kóz dárigeri bolyp, synypqa keledi. Balalar dárigerge suraqtar qoıady.

III. Saýyqtyrý sáti.
Kózdi qaıta qysyp, qaıta ash.(5 ret )
Kózdi aınaldyra qozǵalt.(Joǵary - tómen, solǵa - ońǵa) (10 ret)
4. Taldaý.
Toppen jumys. Ár top maqal - mátel sýyrady.
Maǵynasyn túsindiredi.
1. Bala kóńildiń gúli, kózdiń nury.
2. Kóz – qorqaq
Qol – batyr
3. Kóz – nurdyń uıasy,
Kóńil – syrdyń uıasy.
4. Kóziń aýyrsa, qolyńdy tyı.
İshiń aýyrsa, aýzyńdy tyı.
5. Kóz jetkizer,
Kóz jetkizbegendi
Sóz jetkizer.
Formatıvti baǵalaý

5. Jınaqtaý
Sabaqty jınaqtaý maqsatynda suraqtarǵa jaýap alý. Ár topqa suraqtar beriledi. Sol suraqtarǵa jaýap alý arqyly sabaqty qorytyndylaý.
1 top. Kózdiń atqaratyn qyzmeti
2 top. Kózdi qalaı kútý kerek.
3 top. Qandaı tús kózge paıdaly?
4 top. Kózdi shynyqtyrý úshin ne isteý kerek?
5 top. Oqýshynyń kózine zıan keltiretin áreketterdi ata.
6. Baǵalaý, úıge tapsyrma berý.