InfoHub Logo

Matematıka 3 synyp
Taqyryby: Sheńber jáne dóńgelek (slaıdymen)
Maqsaty:
1. Dóńgelek, sheńber, radıýs, dıametr týraly túsinik qalyptastyrý; osy uǵymdardy paıdalana otyryp jattyǵýlardy oryndaýǵa, sheńber jáne dóńgelektiń aıyrmashylyǵyn, olardyń qasıetterin túsindirý, meńgertý.
2. Oqýshylardyń sabaqqa qyzyǵýshylyǵyn túrli ádis - tásilder arqyly arttyrý, oılaý qabiletterin, jumys jasaý jyldamdyǵyn, tanym belsendiligin damytý.
3. Oqýshylardy sabaq barysyndaǵy mádenıettilikke, dápterde durys jazýǵa tárbıeleý.
Ádisteri: túsindirý, áńgimelesý, salystyrý, kórnekilik, oıyn.
Túri: dástúrden tys sabaq
Tıpi: jańa materıaldy meńgertý
Formasy: kópshilik, toptyq, jeke.
Prınsıpteri: kórnekilik, túsiniktilik.
Kórnekiligi: ınterbelsendi taqta, qıma qaǵazdar, geometrıalyq fıgýralar.

Ótý barysy:
1. Uıymdastyrý kezeńi. 5 mın
Sálemetsizder me, balalar? Kóńil - kúıimiz qalaı? Sabaǵymyzdy bastaýǵa daıynbyz ba?
Psıhologıalyq daıyndyq.
Sabaǵymyz tartymdy ótý úshin biz boıymyzdy, oıymyzdy sergitip alaıyq.
Tórt baılyq.
Densaýlyq birinshi. Jadyńda júrsinshi! (adymdap bir ornynda júr)
Ekinshi – erkindik, Qussha samǵap jelpindik. (qus bop ushý)
Úshinshi – tilimiz, Onsyz joq - aý kúnimiz. (dóńgelenip aınalyp sekirý)
Tórtinshi – kúsh - qaırat, Armanyńa ush jaılap! (tik turý, ıyǵynan qoldaryn tik sozyp, kóterip túsirý)

2. Úı jumysyn tekserý. 3 mın
Ózin - ózi baǵalaý ádisi
Kópshilik forma
Ótken sabaqty pysyqtap alaıyq. Úıge 103 bettegi №5 esep berilgen bolatyn. Dápterimizdi ashyp, taqtadaǵy durys jaýabymen salystyramyz.
Aldaryńda ózin - ózi baǵalaý paraǵy bar. Árkim ózine úı tapsyrmasyn tekserý qataryna baǵa qoıyp shyǵady.

3. Jańa sabaqqa daıyndyq. 3 mın
Taqyrypty ashý
Oıyn ádisi
Jeke forma
Bizdiń sabaǵymyz oıyn túrinde ótedi. «Qys mezgiline daıyndyq». Iaǵnı, biz ár tapsyrmany oryndaǵan saıyn qajettini jınap, qys mezgiline qamdanamyz. Oǵan «Kúz hanshaıymy» kómektesedi.
Taqtaǵa nazar aýdaramyz. Biz taqtadan núktelerdi kórip turmyz. Osy núktelerdi jalǵastyrý úshin myna esepterdi shyǵaramyz.
3*6 ------- 6*6
4*6 ------- 6*7
6*10 ------ 6*8
6*5 ------- 6*9
Óte jaqsy. Jaraısyńdar. Biz esepterdi shyǵardyq, ıaǵnı qysqy daıyndyǵymyz bastaldy. Eń aldymen, egindi jınaıyq.
Núktelerdi qosqanda qandaı fıgýra shyqty? Sheńber.
Jaqsy.

4. Jańa materıaldy meńgertý. 20 mın
Búgingi ótetin taqyrybymyz – «Sheńber jáne dóńgelek». Sabaqta biz sheńber men dóńgelektiń aıyrmashylyqtaryn, qasıetterin meńgeretin bolamyz.