InfoHub Logo

Aǵylshyn tili-halyqaralyq qatynas tili. Ózge memlekette adamdarmen qarym-qatynas jasaǵyńyz kelse, aǵylshyn tilin jetik bilýińiz qajet. Endeshe myna keńesterge qulaq salyńyz:

•Siz aǵylshyn tiliniń arnaıy kýrstaryna qatysyp, deńgeıińizdiń joǵarylaǵanyn baıqadyńyz. Alaıda, ózge memlekette qarapaıym dıalogtyń ózi- sizdi tyǵyryqqa tireýi múmkin. Osy jaǵdaıǵa tap bolmaý úshin shet memlekettiń mádenıetimen jetik tanysyńyz. Tarıhı mekenderge barýdy qalasańyz, aldyn-ala daıyndyq jasaǵanyńyz jón.

Tájirıbe jınaqtaýdan qoryqpańyz

Aǵylshyn tilinde erkin sóıleý úshin tájirıbe jınaqtaǵanyńyz durys. Osy tildi jaqsy meńgergen jandarmen sóılesińiz. Esesine qateligińizdi túzetip, jattyǵa túsesiz. Ár eldiń salty men qarym-qatynas tili ózgeshe ekeni ras. Tildiń qurylymyn meńgergińiz kelse, sol jerdiń turǵyndarymen qarym-qatynas quryńyz. Árıne ınternet jelisi arqyly.

Qatelikterińizdi túzetińiz

Ózińizdiń álsiz tustaryńyzdy saralap, ony jeńýge ynta qoıyńyz. Arnaıy dıalog quryńyz. Osy joly sizge keste kómegin bere alady. Kesteni bólikterge bólip, qoǵamdyq ortada jıi qaıtalanatyn dıalogtardy jazyńyz jáne olardy jıi qaıtalańyz.

•Memlekettiń erekshe tustarymen, dástúrimen tanys bolý artyqtyq etpeıdi.

•Shet memlekette adamdarmen qarym-qatynas qurýdan qoryqpańyz. Dıalog kezinde ashyq-jarqyn bolyńyz. Sóılesýshiniń kóńil-kúıin baǵyńyz, qyzyǵýshylyqtary jóninde surańyz. Dıalog sońynda sóılesýshi kisige iltıpat bildirip, alǵys aıtyńyz. Bul-syılastyqtyń belgisi.

Sonymen qatar sóılesýshi sizdi túsinbese de, qaıtalaýdan jalyqpańyz. Eger dıalog qurý qıynǵa soqsa, sýretteme men aýdarmany paıdalansańyz bolady. Osy arqyly aǵylshyn tilin meńgerýge kúsh jumsaısyz.

---