InfoHub Logo

Maqsaty: Temekiniń aǵzaǵa tıgizetin keri áserin jáne odan týyndaıtyn aýrý túrlerin aıta otyryp, zıandy áserin ashý. Shylym shegýdiń zıandy jaqtaryn asha otyryp, odan jıirkenýge, temeki - ý ekenin aıtyp, ujym bolyp jumys isteýge tárbıeleý. Salaýatty ómir saltyn qalyptastyrý, jat qylyqtan aýlaq bolýǵa tárbıeleý.
Kórnekilikteri: Danalar sózi, slaıd, beınekórsetilim, sýretter
«Temeki búkil denege zalal ákeledi, aqyl - oıdy buzady, ulttardy túgeldeı nadandyqqa ákeledi»
O. Balzak.
Kútiletin nátıje:
- Temekiniń tarıhyn, aǵzaǵa zıandy áseriniń baryn biledi
- Temekiniń áserinen týyndaıtyn aýrý túrlerin ajyratady
- Syn turǵysynan oılaý daǵdysy qalyptasady
- Salaýatty ómir súrýge úırenedi.

Jospary:
• Psıhologıalyq daıyndyq
• Beınekórsetilim
• Sen bilesiń be?
• Jasóspirimder temekini ne sebepti shegedi?
• Kórinis «Temeki shegýdiń úsh paıdasy»
• Sıtýasıalyq suraqtar
• Jadynama «Temeki tastaýshylarǵa aqyl - keńes»
• «Oılanyp kórińiz»
• Danalar sózi
• Poster qorǵaý
• Trenıń “Qolshatyr”
• Temekini almastyratyn jattyǵý túrleri.
• Refleksıa
• Qorytyndylaý

Psıhologıalyq daıyndyq
Kózimizdi jumamyz.
Erkin tynys alamyz
Jaqsy oılar oılaımyz.
Sharshaǵandy umytyp,
Denemizdi bosańsytamyz
Al endi
Jap - jasyl,
Jup - jumsaq
Shópte jatqandaı sezineıik.
Kún nuryn bizge tógip tur…
Kún
Jyp - jyly,
Samal lep,
Taza aýa.
Biz erkin tynystadyq
Ǵajap qana uıyqtadyq!
Oıanatyn sát keldi!
Kózderimizdi ashamyz.
Qolymyzdy joǵary kóteremiz,
Kerilemiz! Kúlemiz!

Oqýshylar stıkerlerdi tańdaý arqyly úsh topqa bólinedi:
1 top –«Zertteýshiler» toby
2 top - «Sýretshiler» toby
3 top - «Aqyndar» toby.

Temekiniń adam aǵzasyna zıany týraly málimetter berý. Beınekórsetilim kórsetý.

Sen bilesiń be?
• Árbir temeki adam ómirin 8 mınýtqa qysqartady.
• Kúnine 1 qorap temeki tartatyn adamnyń 1 jylda ókpesine 1 lıtr smola jınalady.
• Dúnıe júzinde shylym shegýden jyl saıyn 3, 5 mln adam qaıtys bolady.
• Shylym shegetinder qysqa ýaqyt ómir súredi, óz ómirin 6 jylǵa qysqartady.
• Temeki shegýshiler ınfarkt, rak, asqazan jarasy sıaqty aýrýlardan 10 - 30 ese kóp qaıtys bolady.
• Balalarǵa temekiniń qaýpi, úlkenderge qaraǵanda 2 ese kóp. Keıde balalar 2 - 3 tal temekini qatar shekkennen júregi toqtap qalǵan oqıǵalar bolǵan.

Jasóspirimder temekini ne sebepti shegedi dep oılaısyńdar? degen suraqqa oqýshylar pikirin tyńdaý.
Oqýshylardyń múmkin jaýaptary:
- Temekiniń aǵzaǵa qanshalyqty zıan ekenin bilmeý, buǵan jeńil kózqaraspen qaraý
- Qasyndaǵylar nemese ózinen úlkender qysymshylyq jasaýy múmkin
- Bir ret kóreıin, sosyn tastaımyn dep áýestenýshilikten bolýy múmkin
- Sánqoılyq, ıaǵnı qazirgi zamanǵa saı ózin eresek seziný
- Jarnamalarǵa qarap qyzyǵýshylyǵy artýy múmkin
- Mıdyń jaqsy jumys isteýi úshin nemese batyldyq úshin dep teris túsiniktiń qalyptasýy t. b.

3 topqa tapsyrmalar beriledi. «Zertteýshiler» toby temekiniń tarıhy, zıany týraly aqparat daıyndaıdy. ( Olarǵa qosymsha resýrstar beriledi). «Sýretshiler» toby temekiniń adam ómirine zıany týraly es kartasyn qurady, «Aqyndar» toby temekiniń zıany týraly bir shýmaq óleń joldaryn jáne bes joldy óleń jazady. Tapsyrmalardy oryndap bolǵan soń, árbir top óz jumystaryn qorǵaıdy.
Kórinis «Temeki shegýdiń úsh paıdasy» Alıhan men Jalǵas.
Bala: Ata, men temeki shegýdi úırenip júrmin. Siz qalaı oılaısyz, bul paıdaly ma?
Atasy: Temeki shegý úsh jaǵdaıda ǵana paıdaly.
Bala: Aıtyńyzshy, qaı kezde paıdaly?
Atasy: Birinshiden, kim de kim temeki shekse, ol eshqashan qartaımaıdy.
Bala: Qalaısha, nelikten, ata?
Atasy: Sebebi ol qartaıýǵa úlgirmeıdi. Ol tym erte ómirden ketedi. Ekinshiden, onyń úıine eshqashanda ury túspeıdi.
Bala: Ne sebepti? Qalaısha ury túspeıdi?
Atasy: Sebebi, kim de kim temeki shekse, túni boıy tósekte aýdarylyp, tóńkerilip jatady da, qatty jótelýmen bolady. Ury úı ıesiniń jótelin estisimen, úıdi aınalyp ketip qalady. Biraq bunymen áli bitken joq, temeki shegetin adamdy ıtte qappaıdy.
Bala: Ras pa?