InfoHub Logo

Isataı eki myń adammen Jáńgirdi shabýǵa baryp jatqanda, Jáńgir sasyp qashýǵa taıanyp otyrǵanda, Shyman tórege qaǵaz jazyp, shapqynshy jiberedi. Qaǵazyna: «Isataı kelip ordamdy qamap jatyr, sasyp turmyn, qamsyz qalyppyn, qashaıyn ba, kel, aqyldasalyq, ne aıtasyń, myna qatyn bala-shaǵany jıyp al», — deıdi.

Shyman sol qaǵazdyń ekinshi betine bylaı dep jaýap jazady: «Eı, Jáńgir, atań Nuralydan qashyp qaıtyp ordaǵa kele almaǵan, eger taısań, sen de qaıtyp ordaǵa ene almaısyń, sen meniń tilimdi alsań, Isataıdyń maqsatyn jasa, eki qolyńdy tóbeńe qoıyp, ordanyń shetine shyq, ısataıdan bir qasyq qanyńdy surap alýǵa sonda ǵana baramyn», — deıdi.

Shyman shabarmanǵa aıtady: «Sen Isataıǵa janaı júr, júrýshiler seni ustap Isataıǵa aparar, qoryqpa, saǵan tıispeıdi. Qaıdan kelesiń dep surasa, Shymanǵa qaǵaz aparyp, qaǵaz ákele jatyrmyn de. Surasa ber, oqyp ózińe berer, berip jiber», — deıdi.

Aıtqanyndaı bolady. Isataı oqyp qarap: «Atańa nálet Jáńgir qoryqqan eken. Balam dep maqsatymdy jasasa, átteń bir qasyq qanynan ortaq bolyp, atamnyń tuz-dáminen jańylyp neǵylamyn», — dep oılap qalady. Shappaı alýǵa Shymannyń osy qaǵazy sebep bolady.

Shyman sóıtip baıaǵy eshteme bermegenin eske alyp, Isataıdy aldaýshylyqpenen toqtatady. Mahambet úı baýyryn kesedi, tilin almaıdy, maqsat bolatyn boldy dep taraı bastaıdy. Isataı, Mahambet qalyp úlken kúızeliske ushyraıdy.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---