InfoHub Logo

Shymkenttikter orys tildi mektepterdiń tapshylyǵyn aıtyp, shaǵymdanýda dep habarlaıdy "Otyrar" telearnasy.

Jańa shaǵynaýdanǵa qonys aýystyrǵan turǵyndar balalaryn oryssha oqytý úshin 5 shaqyrym jerdegi mektepke tasýǵa májbúr bolyp otyr. Birneshe aýysymmen oqıtyn balalaryn sabaqqa aparyp, alyp ketý olar úshin beınetke aınalǵan.

Jaqyn mańdaǵy mektepter tek qazaq tilinde bolǵandyqtan, olardyń balalary birneshe avtobýsqa minip qana mektepke baryp júrgen kórinedi.

Al joǵary synyp oqýshylary ózderi qatynaıdy. Bar qıyndyq úıinde birneshe bastaýysh synyp oqýshylary bar ata-analarǵa túsip otyr. Máselen, Olesányń ata-anasy bul problema sheshilmese, otbasy qonys aýdarýǵa májbúr bolatynyn aıtyp otyr.

«Men Nur Otanǵa shaǵymdanyp, edim kómektese almaımyz dep otyr. Bir emes, úsh nemerem bar, ekeýi túske deıin, biri - tústen keıin oqıdy. Olardy mektepke tasý qıynǵa soǵyp otyr. Jańa shaǵynaýdanda oryssha oqytatyn mektep ashý múmkin emes degenge tań qalýdamyz», - deıdi Olesányń anasy Tatána Ogorkına.

Qalalyq bilim bóliminiń basshylary buǵan qatysty qoldan keler dármen joq dep otyr. «Nursát» shaǵynaýdanynda mekteptiń tapshylyǵy bary ras dep otyr olar. Olardyń aıtýynsha, taǵy bir mekteptiń qurylysy josparda joq, sondyqtan balalarǵa qatynaıtyn avtobýs berý múmkindigin qarastyrý ǵana qoldan keledi.

Shaǵynaýdan turǵyndary avtobýs berilse de qarsy emes. Olardyń surap otyrǵany - máseleni qysqa deıin sheshý.

Derekkóz: nur.kz

---