InfoHub Logo

Shymkentte balabaqshanyń tólemaqysy qymbattady. Qala ákiminiń qaýlysymen tólemaqy osy jyldyń qańtar aıynan bastap ósken.

Qalalyq bilim bóliminiń esepshisi Qarlyǵash Aıtbekovanyń aıtýynsha, balabaqshalardaǵy tólemderdiń somasy jas erekshelerine qaraı kóterilgen.

«Shymkent qalasy ákimi Nurlan Saýranbaevtyń qaýlysymen balabaqshadaǵy bir kúndik tólemaqy - 436 teńge 75 tyıyn bolyp otyr. Iaǵnı burynǵy baǵamen salystyrǵanda 105 teńge 69 tyıynǵa kóterilgen. Bir aılyq tólemaqysy - 9608 teńge 5 tyıyn bolyp belgilendi. Al, 3-7 jas aralyǵyndaǵy balanyń bir kúndik tólemaqysy - 527 teńge 94 teńge bolyp, 129 teńge 16 tyıynǵa qymbattady. Aılyq tólemi 11 614 teńge 68 tyıynǵa turaqtady», - dedi Qarlyǵash Aıtbekova.

Ótken 2017 jyly ata-analar memlekettik balabaqshada bir balaǵa 8370 teńgeden tólep kelgen edi.

Bilim bólimi esepshisiniń sózinshe, tólemaqynyń ósýine kásipkerlerdiń ýáji sebep bolǵan. Memleket esebinen qarjy alatyn jekemenshik balabaqshalarda tamaqtyń normasy tıisti talaptarǵa saı kelmeıdi. Óıtkeni qazirgi tólemaqy ol talaptardy oryndaýǵa jetkizilksiz eken. Osyny negizge alǵan óńirdiń Kásipkerlik palatasy qalalyq bilim bólimine tólemaqynyń somasyn ósirý qajettiligi týraly hat joldapty.

«Osy hattyń negizinde bilim bólimi Oblystyq statısıka departamentine hat joldap, naryqtaǵy ár azyq-túliktiń baǵasy jeke-jeke alyndy. Sóıtip zańǵy sáıkes bir balaǵa beriletin tamaqtyń kálkýlásıasy jasalyndy. Osynyń negizinde bir kúndik tamaqtyń, ıaǵnı qazirgi kóterilgen baǵa belgilendi. Odan keıin eki saraptamalyq qortyndy alynyp, onyń negizinde Shymkent qalasy ákiminiń qaýlysy shyqty»,- deıdi Qarlyǵash Aıtbekova.

QazAqparat

---