Shymkenttik oqýshylar «Sabyr» atty robot jasap shyǵardy
Shymkenttiń Kórme ortalyǵynda Nazarbaev Zıatkerlik mektebiniń uıymdastyrýymen «IT» áleminde» atty jobalar baıqaýy ótti. Qala ákimdigi uıymdastyrǵan saıysqa shahardaǵy 25 mekteptiń oqýshylary qatysty. Olar 4 baǵyt boıynsha 26 joba usyndy.
Oqýshylardyń aqparattyq tehnologıalarǵa degen ıkemin jetildirý maqsatynda ótkizilgen baıqaýda balalar kompúterlik óner, mobıldik baǵdarlama, qysqametrajdy fılm, baǵdarlamalaý, robototehnıka baǵyttary boıynsha baqtaryn synady. Ǵylym salasyna qyzyǵýshylyǵy mol, daryndy balalardyń qatarynda dybystyq robot jasap shyqqan jas ónertapqyshtar da boldy. Olar bir jarym aıda sensorly robot jasap shyǵarypty. Sóıleýge beıim qultemirlerge joba avtorlary «Sabyr» degen ataý bergen.
«Qultemir basy men qolyn qımyldata alady. Oǵan spýtnıktik antenanyń materıalyn qoldandyq. Budan bólek kez kelgen sabaqtarda oqýshynyń yntasyn arttyrý úshin de osy qultemirlerdi paıdalanýǵa bolady. Sebebi, onyń ishine sabaqtyń taqyrybyna baılanysty materıaldardy salyp, saqtap qoıamyz. Ony robot erkin dybystap, oqyp bere alady»,- deıdi baıqaýǵa qatysýshy Beknur Qonysbaev.
IT salasy boıynsha jeńimpaz oqýshylarǵa aqshalaı syılyqtar tabys etildi. Ózge daryndy balalarǵa arnaıy sertıfıkattar berildi. Oqýshylardyń shyǵarmashylyqpen aınalysýyna múmkindik beretin baıqaý aldaǵy ýaqytta jyl saıyn ótkizilip turady,-deıdi uıymdastyrýshylar.
You Might Also Like
-
Kıno - bul shet tilin oqytýdaǵy eń kórneki quraldardyń biri. Ol oqýshylardy kóptegen qajetti materıaldarmen tanystyrady.
-
Syn esim jáne aǵylshyn tilindegi syn esim álemdik lıngvıster tarapynan jan-jaqty zerttelgen dep eseptelgenimen, qazirgi aǵylshyn tilindegi sóılem músheleri arasyndaǵy syn esimniń lıngvısıkalyq statý...
