InfoHub Logo

Jaqsy sóz jannyń jylýy. Bir birimizge jyly qabaq tanytyp, jaqsy sózimizdi arnap júrgen qandaı ǵanıbet. Qaryshtap damyǵan órkenıetke ilesemizdep osynaý jaqsy qasıetimizden aıyrylyp bara jatqandaımyz. Asyǵyspyz... Tipti et jaqynymyzben aralasýǵa ýaqyt joq. Qaıda asyǵamyz?... «Jaqsynyń jaqsylyǵyn aıt nury tasysyn...», «Jaqsy sóz jarym yrys», t. b. tolyp jatqan maqal – mátelderdi estip júrmiz. Jaqsy sóz estip kóńilińniń kóterilip qalǵanyn óziń de baıqamaı qalasyń. Tunyp turǵan psıhologıa! Jaz jaılaý, qys qystaý mal sońynda júrip, psıhologıa oqymaǵan qazaq osynyń bárin qaıdan bilgen?! Sirá, halyq danalyǵy degen osy bolar.

Mektep qabyrǵasynda oqyp júrgende, qabyrǵalarda ilinip turǵan túrli maqal – mátelderdi, naqyl sózderdi kórip, birimiz bolmasa da, birimiz oılanyp júretin edik. «Tárbıe tal besikten emes pe?». Biraq bul ósken soń tárbıeni toqtatyp qoıýǵa bolady degen sóz emes qoı. Aıtqym kelgeni bizdiń QazUÝ - niń mehanıka – matematıka fakýlttetine kelgeli men ol tárbıeni kóre almadym. Uly adamdardyń portretteri ilinip tur, olda tárbıe, biraq, tárbıe kóptik etpeıdi ǵoı.

Toqsan aýyz sózdiń tobyqtaı túıini, bizdiń fakúltette jáne ózge de fakýltetterde, eger joq bolsa, maqal – mátelderimizdiń jáne naqyl sózderimizdiń ilinip turǵanyn qalar edim. Bir jaǵynan tárbıe, ekinshi jaǵynan qazaqy dástúr ýnıversıtetimizdiń ajaryn asha túser edi. Kórgen kózde jazyq joq, estigen qulaqqa altyn syrǵa.

Ál – Farabı atyndaǵy Qazaq Ulttyq ýnıversıteti

Mehanıka – matematıka fakúlteti

Bekbolat B [email protected]

---