InfoHub Logo

Aqyl tisi – qatardaǵy 8-i tis nemese, qarapaıym aıtqanda, tamaqty qalypty shaınaýǵa arnalǵan adamdaǵy burynnan qajet emes «segizdik». Olar 12-den 25 jas aralyǵynda jaryp shyǵa bastaıdy jáne tek, osy kezeńderden bastap qana kóbine ony julýǵa keńes beredi. Biraq bul sondaı qajet pe?

Bilim-all.kz osy suraq tóńireginde ár túrli pikirlerge saraptama júrgizdi. Durys sheshim qabyldaý úshin neni bilgen qajet, minekeı:

Qandaı jaǵdaıda aqyl tisin JULÝDYŃ QAJETİ JOQ

- Eger olar saý bolsa (tisjegi joq, tis aınalasyndaǵy qyzylıek jıegi aýyrmasa).

- Tolyqtaı jarylyp shyqqan.

- Durys ornalasqan: kórshi tisterdiń qalypty jumys isteýine kedergi keltirmeıdi.

- Kúndelikti aýyz qýysynyń gıgıenalyq tazalaý kezinde olar ońaı tazalanady.

 

Qandaı jaǵdaıda aqyl tisin JULÝ QAJET

- Tisti tolyqtaı qyzyl ıek japqan, biraq jaryp shyǵa almaıdy. Bul jaǵdaıda olar, óz kezeginde kórshi tisterdiń túbirin qurtarlyq iriń kernegen isikke aınalýy múmkin.

- Tis tolyqtaı jaryp shyqpaǵan. Gıgıenalyq jaqtan qıyndyq týdyrady, artynsha bakerıalardyń kóptep jınalýynan aýyz qýysynyń túrli aýrýlaryna ákep soǵady.

- Eger tiske oryn jetkiliksiz bolsa (kórshi tister óte tyǵyz ornalasqan), onda jaryp shyqqan aqyl tisi kórshi tisterdi zaqymdaýǵa táýekel jasaıdy.

- Eger siz aqyl tistiń mańaıynan aýyrsyný sezseńiz.

- Kóp jaǵdaıda aqyl tistiń mańaıyndaǵy jumsaq tinderi juqpalanǵan bolady.

- İsik qalyptasqan jaǵdaıda.

- Qyzyl ıek qabynsa.

- Kórshi tisterde tisjegi paıda bolyp, olar qurtyla bastasa.

Eger siz tis dárigerine jıi qaralyp jáne jaq súıeginiń rentgen sýretin jasatyp tursańyz, onda sizge aqyl tisin juldyrýdyń qajeti joq. Bul oraıda siz aqyl tisiniń durys óspeýin erterek bile alasyz jáne tis juldyrý otasymen aldyn alýǵa bolady. 25 jastan keıin barlyq súıek tinderi tolyqtaı qalyptasatyndyqtan, tisti julý kúrdelirek jáne tinderdiń jazylýy baıaý bolatyndyqtan dárigerler tis juldyrý otasyn erterek jasatýǵa keńes beredi.

---