InfoHub Logo

Shóje Qarjaýbaıuly (1803 — 1884) — aqyn. Ol qazirgi Kókshetaý oblysy Qyzyltý aýdanynda dúnıege kelgen. Jastaı aýrýǵa shaldyǵyp, eki kózinen birdeı aıyrylǵan. Bala kezinen qobyz, dombyra tartyp, aqyndyq ónerine mashyqtanǵan. Joqshylyq pen jarymjandyqtyń aýyr zardabyn tartqan. «Dáýkeıge», «Dombyra shyqqan tyńqyldan», «Báıdikti maqtaǵany» t.b. óleńderdiń avtory. Shóje — iri aıtys aqyny. «Kózime on jeti aqyn túk qylǵan joq» deýine qaraǵanda, óz zamanyndaǵy aty málim aqyndardyń birazymen aıtysqan sekildi. Shóje — belgili epık aqyn, ánshi ári kompozıtor. «Qozy Kórpesh — Baıan sulý» jyrynyń eń kórkem ári tolyq nusqasy Shójeniń aıtýymen taraǵan. Onyń halyq aýyz ádebıetiniń asyl úlgileri men el shejiresiniń asqan bilgiri ekenin kezinde Sh. Ýálıhanov atap kórsetken. Abaı Qunanbaıuly, S. Toraıǵyrov Shójeniń aqyndyq talantyn joǵary baǵalaǵan, jasqan baı týra aıtatyn ótkirligin qatty qurmettegen.

---