InfoHub Logo

Shal aqyn, Tileýke Qulykeuly (1748—1819) — qazaq aqyny. Ol qazirgi Soltústik Qazaqstan oblysynda dúnıege kelgen. Ákesi Qulyke batyr Abylaı hannyń jaqyn serigi bolǵan. Shal aqynnyń óleń, jyrlarynan óz dáýiriniń ómir kórinisteri aıqyn ańǵarylady. Bulardyń bárinde derlik jaqsylyq pen jamandyq, ádildik pen zulymdyq, ynsap pen toıymsyzdyq, aqyldylyq pen ańǵaldyq, izgilik pen nadandyq, baılyq pen kedeılik tárizdi kereǵar jaıttar keń qamtylyp sóz bolady. Shal aqyn kezinde el ómirinen eleýli oryn alǵan aıtys-qaǵystarǵa qatysyp otyrǵan. Bulardan onyń ushqyr qıaldy tapqyrlyǵy men ot aýyzdy, oraq tildi alǵyrlyǵy mol kórinedi. Bir top jyrlary «XVIII - XIX ǵasyrlardaǵy qazaq aqyndarynyń shyǵarmalary» (1962). «Úsh ǵasyr jyrlaıdy» (1965), «Aldaspan» (1971), «XVIII - XIX ǵasyrlardaǵy qazaq poezıasy» (1982), «Bes ǵasyr jyrlaıdy» (1984) jınaqtarynda jaryq kórgen.

---