«SHOŃ» SERİKTİGİ TÝRALY KÓPKE İSTEGEN BAIANDAMANYŃ BASY:

Mynaý jol, Shoń balasy, adamdyqqa!
Sizderdi bastamaıdy jamandyqqa.
Kel, kiris, kóterýge muny tyrys,
Paıda joq, quryp qalǵyr nadandyqta!

Kel, kiris, kóterýge muny tyrys,
Jurt úlgi alatyndaı bolsyn bir is!
Ári arýaq, ári qudaı yrza emes,
Ózińdi óziń jarsań, taýyp kir is...


BUL BAIANDAMANYŃ ARTY MYNADAI SÓZBEN TYNADY:

Jáne de paıda bolsyn ultymyzǵa,
Órnek, úlgi bolaıyq jurtymyzǵa.
Jıylyp úıden úıge mal soıǵyzyp,
Ne paıda qur tyǵýdan urtymyzǵa?

Kishi ini, úlken aǵa, osy sózim
Abaılap, aqyl salyp, oılashy óziń.
Tartsam men jarty tıyn tamaǵyma,
Yrzamyn olda-bildá joǵalt kózim!

Qudaıdan suraǵanym birlikteriń,
Birliksiz túzetilmes tirlikteriń.
Ollahı, óner emes, anyq ólim
Kújireıgen bir-birińe irilikteriń.

Kelispes arańyzǵa salqyn qabaq,
Salqyn bolsań, árkimge boldyń tamaq!
Jel bergenge jelikken jel býazǵa,
Qanjyǵaly bıeke úlken sabaq.

Mine biz bir tóbege «Shoń» dep shyqtyq,
Adam bolý plandy qoldap shyqtyq.
«E, táńirim, isimizdi jóndeı kór!» dep,
Shyn kóńil kózimizden jasty syqtyq.

Qol qoıdyń osyny aıtyp Shońnyń jasy,
Oralsyn qaıyrymen istiń basy;
Erikpedik, nemese jelikpedik:
Oıladyq az da bolsa, jurt paıdasyn.

---