Estımin seriligińdi sizdiń syrttan,
Yntasyn zamandastar siz dep qurtqan.
«Halyń aıtsa, qate aıtpaıdy» degen sózben,
Tanysqaly jazamyn estip jurttan,

Jas ýaqytta teńdesin tıse taýyp,
Júrek syryn bolmaıdy qolmen jaýyp.
Qarańǵy jerde ósip qaırat qylyp,
Shydaýyna meniń tur kóńilim aýyp,

Jar tańdap, bos dep estip sizdiń basty,
Uıattan jas júrektiń tolqyny asty.
Ótkir, sergek degenge kóńilim aýyp,
Eriksiz aýdaryp tur yqylasty.
Qudanyń qudiretine ǵajap emes,
Eger de qosam dese eki jasty.

Jaıdary jaqsy adamda bolmas jattyq,
Jas kúnde alsa jaqsy kóńil shattyq.
Jaıpalamy adamǵa hat jazbaımyn,
Kepti kerip, kep jerdiń dámin tattyq.

Bilmeımin qalaı aýdy kóńilim sizge,
Siz-daǵy kóńilińizdi bildir bizge.
«Jas-jastyń tileýi bir» degen sóz bar,
Uzatpaı aıaq berdik sózimizge.

---