InfoHub Logo

"Jambyl oblysy Turar Rysqulov aýdany ákimdiginiń ishki saıasat bólimi" komýnaldyq  memlekettik mekemesiniń áleýmettik tapsyrys aıasynda «Jambyl oblysy «Qazaqstan stýdentteriniń Alánsy» jastar qoǵamdyq birlestiginiń uıymdastyrýymen «Qoǵamda sybaılas jemqorlyqqa qarsy mádenıetti qalyptastyrý («T.Rysqulov – adaldyq alańy» jobasyn qoldaý» áleýmettik jobasynyń aıasynda 18-qarasha kúni Qulan aýyldyq okrýgi, Halyqqa qyzmet kórsetý ortalyǵynda "Sybaılas jemqorlyqqa qarsy is-qımyl týraly Ulttyq baıandama» atty qoǵamdyq qabyldaý ótkizildi.

Qoǵamdyq qabyldaýǵa 14-29 jas aralyǵyndaǵy jumyssyz jastar, aýdan turǵyndary, jeke kásibin ashatyn nemese kásibin damytýshylar, túrli baǵyttaǵy memlekettik qoldaý tetikteri, turǵyn úı, jumysqa ornalasý, áleýmettik jáne quqyqtyq kómek qajet etetinder, orta arnaýly oqý ornyn bitirýshi stýdentter, orta mektepti bitirýshi túlekter túrli máselelerine jaýaptar aldy.

Qoǵamdyq qabyldaýǵa «T.Rysqulov – adaldyq alańy» jobalyq ofısi jetekshisinen bólek, «Otbasy bank», «Halyq bank», «KMF» mıkroqarjylyq uıymdarynyń qarjy konsýltanttary, «Halyqty jumyspen qamtý ortalyǵy» mamany jáne psıholog, zańger mamandary aýdanymyzdyń turǵyndaryna, arnaýly orta oqý oryndarynyń stýdentteri men muǵalimderine, aýdan jastaryna keńesterin berdi.

Sharaǵa barlyǵy 50-den asa jastar men turǵyndar qamtyldy. Qatysýshylardyń basym bóligi óz kásibin bastaý úshin nesıe rásimdeý mamanyna, sonymen qatar, turǵyn-úı alý máselesi boıynsha «Otbasy bank» qarjy konsýltanttaryna, jáne Adaldyq alańy jobalyq ofısiniń jetekshisine jolyǵyp, saýaldaryn qoıdy. Al, jeke máseleler boıynsha jastar psıholog mamanynan keńes aldy.

---