InfoHub Logo

Sonymen Syrym Nuralyny shapty, Nuraly jeńilip, Ýfaǵa qashyp ketti. Balalary qashyp tarap ketti. Esimdi alyp ketemiz dep Nuralynyń eki-úsh balasy qaıtyp kelse, aǵalaryna Esim aıtypty:

«At basyndaı altyn tapsańyz, maǵan bermeńiz, zıan tapsańyz, menen kórmeńiz, men qashpaımyn», — depti. Sonan Syrym úsh jyl qatarynan el bılepti. Sol mezgilderde Esim aqyl suraımyn dep noǵaı-qazaq Kúzeı bıge barady. Kúzeı dalada kezdesip, jón surasady:

— Qul-qutan jıylyp quda bolǵan bul zaman, ata turyp ul sóılegen qý zaman, ana turyp qyz sóılegen sum zaman», — depti. Kúzeı Esimge aýylyn kórsetip:

— Ózim malǵa ketip baramyn, úıge keshirek baramyn, — depti. Esimdi eki-úsh kún jatqan soń Kúzeı óz úıine shaqyrtyp, qoı soıyp qonaq etip otyryp:

— Qosh keldińiz, al qyzmetińizdi aıtyńyz, — deıdi.

— Qyzmetim joq, buryn týǵannan aqyl sura, buryn qonǵannan qonys sura degen bar edi, sizge ne aqyl aıtar eken dep keldim, — deıdi Esim.

Sonda Kúzeı:

— Meniń sizge bóten syılyǵym joq, sizge aıtatyn úsh sózim bar — kózsiz soqyr bol, qulaqsyz sańyraý bol, tilsiz saqaý bol, — dep attandyrypty. Eki-úsh jyldan keıin sultandar Syrymnyń sońyna túse bastaıdy. Aqyry Syrymdy túsirip, Esimdi han kóteredi. Esim úsh jyl han bolǵan soń, ornynan túsip hannyń inisi Eraly han bolady. Han jaǵy kúsheıedi. Han balalary aýyz biriktirip, Syrymdy óltirgisi keledi. Bir kúni hannyń tórt balasy dalada júrgen Syrymdy ustap alyp Eraly hanǵa alyp keledi. Syrtta ekeýi ustap turyp, ekeýi ishke kirip, hanǵa:

— Al Syrymdy alyp keldik, tez óltir, — depti. Sonda Eraly:

— Tentektiń isi tez basynda dep edi ǵoı, ustaǵan jerde óltirýleriń kerek edi. Endi maǵan ákelgen soń sebepsiz óltirýge bolmas, — dep,

Syrymdy bosatyp:

— Aı, balalar, sizderdiki qatelik, áli de muny qurmetpen, qonaq etip aqylyn ala berý kerek qoı, — depti-mys.

Oqýǵa keńes beremiz:

Syrym batyrdyń sheshendik sózderi

Syrymǵa anasynyń aıtqany (I nusqa)

Baıbaqty Syrym batyrdyń ákesiniń atyn Dat dep qoıýdyń syry?

---