InfoHub Logo

Syrym Hıýada júrip qaıtys bolǵanda, bala-shaǵasyna estirtýge eldiń adamdary jınalyp aıtýǵa eshbir qısynyn taba almaı júrisedi. Jetirýdiń shetinen Uryshta degen bıdi aldyrady. Halyq: «Solaı aqsaqal, myna Syrymnyń ólimin qatyn-balasyna estirtý kerek bolyp, sizdi aldyrdyq, soǵan baralyq, baryp estirtelik, siz sony aıtyńyz»,—deıdi.

Barady, bir-eki kún qonaq bolǵasyn qyzmet etiledi.

Shyraǵym, Qazyjan, qart atań seniń dat edi-aý,
Esimi isinen alshaq emes,
Tek bir qoıǵan at edi-aý.
Ózińniń atyń Qaz edi-aý,
Qysyń da seniń jaz edi-aý.
Ákeń seniń Syrym-dy,
Kebeje qaryn, keń qursaq,
İshi tolǵan bilim-di.
Tek qazaq jurty emes,
Bilgendeı edi-aý Qytaı menen Qyrym-dy.
Ákeń Syrym aman kelse,
Súıinshige berer me eń,
Oljataı menen Súgirdi.
Sol sekildi Syrekem,
Arǵymaǵy súrindi, – deıdi.

Buny estip Qazy bı qonaqtaryn taratpaı, alǵashqy sadaqasyn berip taratypty, – deıdi.

---