InfoHub Logo

Syrym Hıýada júrip qaıtys bolady, bala-shaǵasyna estirtýge eldiń adamy jınalyp eshbir qısynyn taba almaı júredi. Eldiń shetinen Uryshta degen bıdi aldyrady. «Syrymnyń ólimin qatyn-balasyna estirtý kerek bolyp sizdi aldyrdyq, soǵan baralyq, baryp estirtelik, siz sony aıtyńyz», — deıdi halyq. Barady, bir-eki kún qonaq bolǵasyn, qyzmet aıtylady.

— Shyraǵym, Qazyjan,
Qart atań seniń Dat edi-aý,
Esimine isi laıyq emes,
Tek bir qoıǵan at edi-aý!
Ózińniń atyń Qazy edi-aý,
Qysyń da seniń jaz edi-aý!
Ákeń seniń Syrym-dy,
Kebeje qaryn, keń qursaq,
İshi tolǵan bilim-di.
Tek qazaq jurty emes,
Bılegendeı er edi-aý
Qytaı menen Qyrymdy.
Ákeń Syrym aman kelse,
Súıinshige berer me ediń,
Oljataı men Súgirdi?
Sol sekildi Syrekemniń
Arǵymaq aty súrindi, —

deıdi Uryshta qart. Buny estip Qazy bı qonaqtaryn taratpaı, alǵashqy sadaqasyn berip qaıyrǵan deıdi.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---