InfoHub Logo

Bir soqyr, bir taz, bir jalaq úsheýi joldas bolypty. Bular jolaýshylap bir jat elgen kele jatyp: «Jat elge syrymyzdy bildirmeıik» dep ýáde qylypty. Bir úıge túsip otyrǵanda tazdyń basy qyshyp shydatpapty. Taz qansha sabyr saqtasa da, shydaı almaı, syltaýratyp áńgime bastapty:

— Ákemiz asqan batyr, at ústinde myqty bolǵan eken. Qamshydaı qaıyń soıyldy qaryna ilip alyp, burshaq bórkin eki shekesine qyryndata bylaı-bylaı aýystyryp kıip alady eken, — dep basyn olaı-bulaı qasyp-qasyp alypty. Muny soqyr bilip qalyp, ózine laıyq áńgimesin bastapty.

— Meniń de ákem óte mergen edi, sala qulash sadaqpen qara kózdi quralaıdy, kózdemeı atyp túsirýshi edi, — dep kózin uqalap-uqalap alypty.

Bulardyń mundaı qýlyǵyn jalaq ta sezip:

— Syrlaryńdy bildim-bildim, áldý-báldý bári ótirik, ıapyraı, ıapyraı, — dep ernin jalap-jalap alypty.

---