InfoHub Logo

Kúzgi ýaqyt eken. Tontaıdyń úıine bir zamandasy kelipti. Ádeıi shaı jasapty. Tontaı úıiniń tórine qalyńdaý tósenish tósegendikten esik jaǵy qulama eken, dastarhanǵa salǵan azǵana baýyrsaq yldıǵa domalap, shaldyń aldynan qashyqtaı beripti.

Álgi kisi baýyrsaqtan alǵan saıyn aldyna taman ákelip qoısa, baýyrsaq jyljyp yldıǵa syrǵı beripti. Óziniń baýyrsaqqa qaıta-qaıta umtyla bergenin yńǵaısyz kórgen ol:

— Osy úıdiń baýyrsaǵy qýǵandy kóp kórgen qashaǵan ba, joq álde meniń qolymnyń ebi ketken be? — depti. Sonda Tontaı julyp alǵandaı:

— Seniń ıkemiń ketipti eken dep, baýyrsaqqa óre salyp qoıamyz ba, — depti. Qurdasy úndeı almaı qalypty.

 

---