InfoHub Logo

Qojanasyrdyń ózi óte jaqsy kóretin baǵlan qozysy bar eken. Joldastary birneshe ret «baǵlan qozyńdy soıyp bir toıdyrsańshy» degendi emeýrinmen bildirip júredi. Bir kúni olar qozyny urlap, baqqa aparyp, soıyp jep bir toılapty. Qojanasyr ábden qapa bolyp, joldastarynan ósh alatyn kezdi kútedi. Aqyry, ol bir joldasynyń tekesin urlap, soıyp, etin úıine aparady. Joldasy muny sezip, Qojanasyrdy kórgen saıyn tekesin maqtaı beripti:

— Meniń tekem óte semiz edi, júni de jibekteı edi!..

Qojanasyr muny talaı márte estıdi, tipti qulaǵy jaýyr bolǵan soń, shydaı almaı balasyna:

— Balam, bar da, tekeniń terisin ákel, tekeniń qandaı semiz bolǵanyn myna meıirimdi jandar óz kózderimen kórsin! Bálkim, ol sonda aýzyn jabatyn shyǵar! — degen eken.

 

---