InfoHub Logo

Almaty oblysy, Raıymbek aýdany,
«Raıymbek aýdanynyń bilim bólimi» memlekettik mekemesi
«Aqtasty orta mektep mektepke deıingi shaǵyn ortalyǵymen»
komýnaldyq memlekettik mekemesiniń
qazaq tili men ádebıeti pániniń muǵalimi Sabyrbekova Gúlbaqyt

Qazaq tili páninen 8 - synypta ótetin ashyq sabaqtyń
jospary:
Taqyryby: Sóılem múshelerinen ótkendi qaıtalaý
Maqsaty:
1) Sóılem múshelerinen ótkendi eske túsirý, olardyń gramatıkalyq belgilerin meńgertý, bilimderin bekitý.
2) Óz betinshe izdenýge, oılaý qabiletin arttyrýǵa yqpal etý, óz oıyn erkin jetkize bilýge baýlý, sóılem taldaý daǵdysyn qalyptastyrý.
3) Elin súıýge, adamgershilikke tárbıeleý, maqal - mátelder arqyly oqýshylardyń rýhanı baılyǵyn qalyptastyrý.
Sabaqtyń tegi: Qaıtalaý, jınaqtaý sabaǵy
Sabaqtyń túri: Saıahat sabaq
Sabaqtyń ádisi: Suraq - jaýap, toptyq jumys, shyǵarmashylyqqa izdenis, shyǵarma jazý, oıtolǵaý.
Sabaqtyń kórnekiligi: Kitaptar, Astananyń ásem ǵımarattaryn slaıd arqyly kórsetý, elektrondy oqýlyq, kartochka.

Sabaqtyń barysy:
İ. Uıymdastyrý kezeńi
Oqýshylardy túgendeý, sabaqqa zeıinderin aýdarý, 2 topqa bólý, búgingi sabaqtyń ereksheligin túsindirý, maqsatyn aıtý.

İİ. Jańa sabaq
- Balalar, aldymyzda qandaı mereke kele jatyr?
- Durys aıtasyńdar. Bıyl elimizdiń táýelsizdigine 24 jyl tolyp otyr eken. Endeshe biz ózimizdiń bilimimiz arqyly osy mereıtoıǵa óz úlesimizdi qosa alamyz. 2016 jyly Táýelsizdigimizge 25 jyl tolady.
Órkendegen Astana – Qazaqstannyń shyńǵa sharyqtaǵan báıteregi. Búgingi sabaǵymyzda elimizdiń rýhanı ortalyǵyna, mádenı mekenine aınalǵan aıshyqty qala – Astanaǵa saıahat jasaımyz.
1. Eńseli elordamyzdaǵy basty ǵımarat - Qazaqstan Prezıdentiniń rezıdensıasy – Aqorda.
Bul ǵımarattyń uzyndyǵy 600 metr, eni 20 metr. Aqordadan kelip túsken shuǵyl hatqa jedel jaýap beresińder, saıahatymyzdy ári qaraı jalǵastyra alamyz.

Toptyq tapsyrmalar:
İ top.
1. Sóılem músheleriniń 3 belgisin bilesiń be? Ata?
2. Bastaýysh neni bildiredi? Dara bastaýyshqa mysal keltir.
3. Tolyqtaýyshtyń baılanysý túri qandaı?
İİ top.
1. Sóılem músheleri quramyna qaraı neshege bólinedi?
2. Baıandaýysh neni bildiredi? Kúrdeli baıandaýyshqa mysal keltir.
3. Oqýshylar Astanaǵa saıahat jasady
Asty syzylǵan sóz tirkesiniń baılanysý tásili men túri qandaı? Astanaǵa sózi qandaı sóılem múshesiniń qyzmetin atqaryp tur.
- Jaqsy, balalar, saıahatymyzdy ári qaraı jalǵastyraıyq!

2. Astana kelbetin asha túsetin arnaıy tapsyryspen salynǵan qurylys kesheni – Pıramıda. Ol - qazirgi kezde «Beıbitshilik pen kelisim saraıyna» aınalǵan. Kólemi - 28 myń kv metr, al bıiktigi - 62 metr. İshinde 1500 adamdyq konsert zaly bar. Pıramıdany aralaǵylaryń kelse «Kim tapqyr?» tapsyrmasyn oryndaýlaryń kerek.

Kim tapqyr?
Maqaldyń jalǵasyn taýyp. Sóılem múshesine taldaý jasa:
1. Ustazyńdy uly ákeńdeı............. (syıla)
2. Jaqsynyń aty ólmeıdi,.............(ǵalymnyń haty ólmeıdi)
3. Erdi namys óltiredi,....................(qoıandy qamys óltiredi)
4. Jyly - jyly sóıleseń,...............( jylan ininen shyǵady)

3. Arman qala – Astanadaǵy eń bıik ǵımarattyń biri Han – shatyry. Alańynyń ózi 10 gektar jerdi alyp jatyr. Onyń ishinen qalalyq park, kınoteatr, kórme, konsert zaldary, dúkenderdi, tipti, akvoparkti de tamashalaı alasyńdar. Han – shatyryna kirýge asyǵyńyzdar, ol úshin 56 - jattyǵýda berilgen «Syıraq - óz Otanynyń uly patrıoty» mátinine taldaý jasaýlaryń qajet «Taldaý – tabys kilti». Endeshe iske sát!

İ top. Qaramen jazylǵan sózderdiń qandaı sóılem múshesi bolyp turǵanyn anyqtaý, taldaý jasaý.

İİ top. Syıraqtyń aıtpaq sózin aıaqtaý, Syıraqtyń erligine qatysty oı qorytý.

4. Al, endi bizdiń baqytty bolashaǵymyzdyń sımvolyndaı Saryarqaǵa sáýlet berip turǵan «Astana - Báıterek» monýmentine de taıap qaldyq. Bıiktigi 97 metr Báıterektiń joǵarǵy shyńyna shyqqylaryńyz kelse, 2 toptyń jetekshileri synǵa túsedi:

İ top jetekshisine
1. Shylaý sóılem múshesi bola alady ma? (joq)
2. Bastaýysh kim? ne? degen suraqqa jaýap beredi (ıá)
3. Anyqtaýysh sóılemniń turlaýly múshesi (joq)
4. – nyń, - niń - ilik septiginiń jalǵaýy (ıá)
5. «Bıylǵy kúz salqyn» Bul qurmalas sóılem (joq)
6. «Ý»- tuıyq etistik jasaýshy jurnaq (ıá)

İİ top jetekshisine
1. Bastaýysh sóılemniń turlaýly múshesi (ıá)
2. Men, sen, ol, bizder – jikteý esimdikteri (ıá)
3. «kele jatyr» - úıirli baıandaýysh (joq)
4. Sóılem músheleri qurylysyna qaraı 3-ke bólinedi (ıá)
5. Sóılem múshelerin til biliminiń morfologıa salasy zertteıdi (joq)
6. Tolyqtaýysh sóılemniń turlaýly múshesi (joq)

5. Úıge; «Bolashaqty nurlandyrǵan Táýelsizdik» taqyrybyna shyǵarma
jazyp kelý. Adamgershilik, ımandylyq týraly danalyq sózder jattap kelý.

6. Oqýshylar bilimin baǵalaý.
7. Sabaqty qorytyndylaý:
Esildiń jaǵasyna qonǵan qalam,
Júregi qazaǵymnyń bolǵan qalam.
Kún sanap ertegideı ósken qalam,
Jaınashy, jasaı bershi, nurly Astanam.

- Balalar, sender sóılem múshelerinen alǵan bilimderińdi jınaqtap meńgerý arqyly nurly qala - Astanamyzǵa saıahat jasadyńyzdar. Bizdiń Táýelsiz elimizdiń bolashaǵy jarqyn. Sondyqtan áli - aq Elordamyzda saıahat jasaıtyndaryńa senimdimin.

Tolyq nusqasyn júkteý