InfoHub Logo

Taqyryby: Sóz tapqanǵa qolqa joq
Saıystyń maqsaty: til mádenıeti men sóıleý mádenıetin arasynda nasıhattaý jáne kúndelikti ómirde paıdalana bilýge jetildirý, sheshendik ónerge jastardy daǵdylandyrý..

Saıys jeti kezeńnen turady:
1. Toptyń atyn, uranyn qorǵaý (2mın)
2."Maqal - sózdiń máıegi" (Daýysty, daýyssyz dybystardan bastalatyn maqal - mátelder
jarysy (3mın)
3."Degen eken" (Bıler, sheshender, áıgili óner, bilim qaıratkerleri, aqyn - jazýshylardyń
utkyr oı, utymdy jaýaptarynan úzindilerdi mánerlep oqý (3mın)
4."Myqty bolsań - taýyp kór". Bul kezeńde turaqty sóz tirkesterine myqty ekenderińdi
baıqaımyz, ár durys jaýap 10upaı bolyp esepteledi (3mın)
Top 6 adamnan quralady.
5."Júırik bolsań – shaýyp kór"kestedegi sózderden maqal - mátelder qurastyrý, maǵynasyn
túsindirý (3mın)
6."Oıly bolsań - ozyp kór"kónergen sózben baılanysty sózdi tabý, maǵynasyn ashý.
Ár toptyń jaýaptarynan qazylar alqasy 5 upaılyq júıemen baǵalaıdy Kóp upaı jınaǵan top jeńimpaz atanady jáne marapattalady.
7. Sóılemdi aıaqtańyz.
Paıdalanylǵan ádebıetter: Baltabaı Adambaev, Sheshendik sózder, A., 1990: Abat Kydyrshaev. Sheshendiktaný. Oral, 2004.

1 - júrgizýshi:- Qurmetti oqýshylar men ustazdar, tilder merekesine arnalǵan "Sóz tapqanǵa qolqa joq" atty sheshendik óner saıysyna qosh keldińizder! Búgingi saıysymyzǵa 9 - synyp oqýshylary men pán muǵalimderi. synyp jetekshileri qatysyp otyr.
2 - júrgizýshi:- Saıyskerlerdiń bilimin, sheshendik sheberlikterin baǵalaıtyn qazylar alqasyn saılap alaıyq. Jaýaptar 5 upaılyq júıemen baǵalanady. Kóp upaı jınaǵan top jeńimpaz atanyp marapattalady.
1 - júrgizýshi:- Saıysymyzdyń birinshi kezeńin bastaımyz. Ár top ózderiniń atyn jáne toptyń uranyn qorǵaıdy.
2 - júrgizýshi:- Qazaq -"sóz qadiri - óz qadirim",- dep bilgen halyq. Qazaq tili - sulý, qonymdy da tolymdy til. Sol til kestelep órip órnektep, ólmeıtin, óshpeıtin ǵajaıyptar týdyrdy. Asyl mura - sarqylmas aýyz ádebıetin jasady. Aýyz ádebıetiniń baılyǵynyń biri - maqal - mátelder. Olaı bolsa, maqal - mátelder jarysyn bastaımyz. 9 a synyp oqýshylary, 9 á oqýshylary, 9 b synyp oqýshylarynan quralǵan toptardy ortaǵa shaqyramyz.