SQO-da jas ustaz erekshe balalarmen jumystyń tyń ádisin oılap tapty
Soltústik Qazaqstan oblysynda jas ustaz Ivan Býrkovskııdiń «Kedergisiz robototehnıka» jobasy «Qazaqstannyń úzdik áleýmettik jobalary» respýblıkalyq baıqaýynyń oblystyq kezeńinde úzdikterdiń qatarynan kórindi.
Jas ustazdyń «Kedergisiz robototehnıka» áleýmettik jobasy erekshe oqytýdy qajet etetin balalarǵa negizdelgen. Bes jyldan astam eńbek ótili bar muǵalimniń pikirinshe, burynǵy oqytý ádistemesin ózgertetin ýaqyt jetken, qazir burynǵy tásilder ózekti emes.
Ivan Býrkovskıı elimizde alǵashqylardyń biri bolyp múgedektigi bar balalarǵa robototehnıkany úıretip jatyr. Bul pılottyq jobany júzege asyrýdy ol eki jyl buryn qolǵa alǵan eken. Jan-jaqty zerdelegen ustaz, birer aı buryn ǵana teorıadan iske kóshipti. Nátıjesine kóńili tolady.
«Men birde balalardyń robototehnıkamen qyzyǵa aınalysyp jatqandyǵynyń kýási boldym. «Nege óz tárbıelenýshilerimmen aınalyspasqa, nege sabaqtaryma robototehnıka elementterin engizbeske» degen oı keldi. Artyqshylyqtary kóp: tanympazdyqty, este saqtaýdy arttyrady, qıaldaýǵa úıretedi. Úzdik bolýǵa yntalandyrady. Qazir jańa jobany engizgeli bizdiń balalar defektolog, logoped, psıholog-mamandardyń sabaqtaryna kelýge asyǵyp turady. Tapsyrmalardy qyzyǵýshylyqpen oryndaıdy. Bunyń ózi jaqsy jetistik», - deıdi Ivan Býrkovskıı.
Soltústik Qazaqstan oblysy Taıynsha qalasynyń turǵyny Ivan Býrkovskıı psıhologıalyq-pedagogıkalyq túzeý kabınetinde erekshe oqytýdy qajet etetin balalarmen jumys isteıdi. Jas maman M.Qozybaev atyndaǵy SQMÝ-di «Defektologıa» mamandyǵy boıynsha aıaqtaǵan. Qazir onyń klasynda 10 bala tárbıelenedi. Tyń jobanyń qoldanys aıasyn keńeıtkisi keledi, óıtkeni tek Taıynsha aýdanynda ǵana erekshe oqytýdy qajet etetin balalardyń sany – 386.
«Ár robot shamamen 180-200 myń teńge turady. Bizge eń keminde 4 robot kerek. Qazir eki robotty Taıynsha aýdanyndaǵy orta mektepterdiń birinen jalǵa alyp qoldanyp júrmiz. Qarjy tabylyp jatsa keńirek ǵımaratqa kóship, robottar satyp alǵym keledi. Onda kóbirek balany qamtýǵa bolar edi», - deıdi áleýmettik jobanyń avtory.
Onyń ıdeıasy «Qazaqstannyń úzdik áleýmettik jobalary» respýblıkalyq baıqaýynyń oblystyq kezeńinde úzdikterdiń qatarynan kórindi.
You Might Also Like
-
Shyǵarmalardyń biri birinen ótip, súbeli sózdiń sansyz salmaǵyn saraptaı alatyn sanaly jastardyń shyǵarmalary kóńil qýantady. Túrli taqyrypta qalam terbegen qatysýshylarymyz qoǵamnyń ózekti máseleleri...
-
Aqbóken — kópten Qazaqstan tabıǵatynyń belgisi bolyp tabylaly. Sútqorektilerdiń juptuıaqtylar otrády, qýys múıizdiler tuqymdasynyń ókili (denesiniń uzyndyǵy 150 sm, shoqtyǵynyń bıiktigi 80 sm, ...
