InfoHub Logo

Aǵymdaǵy jyldyń 30 tamyzynan bastaý alǵan esse jáne óleń-jyr baıqaýynyń kezekti apta saıynǵy úzdik avtory anyqtaldy!

Shyǵarmalardyń biri birinen ótip, súbeli sózdiń sansyz salmaǵyn saraptaı alatyn sanaly jastardyń shyǵarmalary kóńil qýantady. Túrli taqyrypta qalam terbegen qatysýshylarymyz qoǵamnyń ózekti máselelerin sapaly kóterýde.

Jarıalanǵan shyǵarmalar ishinen júzden júırik atalǵan týyndyǵa «Aqıqaty, óleń - meniń ómirim... » degen aıdar taǵylypty. Rasymen, qara túndi qaq jaratyn kóńili, boıynda bóriniń qaıraty bar, aq qaǵazǵa ásem órnek qaldyrar, ómirin óleńmen baılanystyrǵan Araılym Erýbaı esimdi avtordyń týyndysy júregimizdiń tórinen oryn ala bildi.

Ekinshi apta qorytyndysy boıynsha úzdik dep tanylǵan týyndyny nazarlaryńyzǵa usynamyz:

Aqıqaty, óleń - meniń ómirim...

Baıqasańyz, ózgelerdiń ómirin,

Baǵy janǵan kóbi keıde, kóbi muń.

Taǵdyryna tarıh jibin sabaqtar,

Aqıqaty, óleń- meniń ómirim...

 

Artqa tastap zamananyń kóligin,

Qara túndi qaq jarady kóńilim.

Uıqas, tarmaq, býyndardan quralǵan,

Aqıqaty, óleń- meniń ómirim...

 

Eskermeıtin esebine joǵynyń,

Syr tunǵandaı kúmbezdengen kóginiń.

Asqaq rýh pen asyl sezim jastanǵan,

Aqıqaty, óleń- meniń ómirim...

 

Jarq etetin juldyzdardyń shoǵyryn,

Aspanǵa atar ala salyp bórigin.

Qarap turyp, qubylysqa tań qalar,

Aqıqaty, óleń- meniń ómirim...

 

Bekem baılap baıraǵyna tuǵyryn,

Sarp etetin saqtaý úshin ǵumyryn.

Ar-namys pen kúsh-jigerdi taqymdar,

Aqıqaty, óleń- meniń ómirim...

 

Syn-sıpaty jilikteıtin soǵymyn,

Tula boıda qaıraty bar bóriniń.

Aq qaǵazda ásem órnek qaldyrar,

Aqıqaty, óleń- meniń ómirim...

(Avtordyń orfografıasy men pýnktýasıasy saqtalǵan)

 

Kezekti jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.

---