Stýdentter járdemaqysy kóterildi
Memleket basshysynyń tapsyrmasyn jáne «Nur Otan» partıasynyń saılaýaldy baǵdarlamasyn júzege asyrý aıasynda aǵymdaǵy jyldyń 1 qyrkúıeginen bastap qazaqstandyq joǵary oqý oryndarynyń stýdentterine, magıstranttaryna jáne doktoranttaryna shákirtaqy ulǵaıtyldy. Bakalavrlardyń shákirtaqysy 20 paıyzǵa, magıstranttar men doktoranttar úshin 15 paıyzǵa kóterildi. Eger sıfrlarǵa aýdarsaq, bakalavrıat shákirtaqysy 26 186 teńgeden 31 423 teńgege deıin ósti.Pedagogıkalyq mamandyqtar boıynsha bilim alatyn ýnıversıtet stýdentteri endi burynǵy 42 myń teńgeniń ornyna 50 400 teńge alatyn bolady.
Bolashaq dárigerlerdiń shákirtaqysy da aıtarlyqtaı ósti. Endi olar 26 186 teńgeniń ornyna 50 400 teńge alady.
«Negizi, sońǵy eki jylda bakalavrıat stýdentteriniń shákirtaqysy eki esege jýyq ósti», - dedi Bilim jáne ǵylym vıse-mınıstri Qýanysh Erǵalıev.
Bul rette magıstranttar, doktoranttar men ınternderdiń shákirtaqysy ulǵaıtyldy. Buryn magıstranttar 66 913 teńge alatyn bolsa, qazir olardyń aı saıynǵy shákirtaqysy 76 950 teńgeni qurap otyr. Doktoranttardyń shákirtaqysy 150 myń teńgeden 172 500 teńgege, ınternderdiń shákirtaqysy 47 431 teńgeden 59 289 teńgege ósti.
«Aǵymdaǵy jyly mundaı qoldaý sharalary «Nur Otan» partıasynyń saılaýaldy baǵdarlamasyn iske asyrý jónindegi Jol kartasy aıasynda júzege asyrylýda», - dep túsindirdi QR Bilim jáne ǵylym mınıstrligi. - Barlyq ózgertýler men tolyqtyrýlar Úkimet qaýlysymen JOO stýdentterine memlekettik stıpendıalardy taǵaıyndaý, tóleý jáne mólsherlemelerin belgileý qaǵıdalaryna engizildi».
Buǵan deıin habarlaǵanymyzdaı, 1 qyrkúıekten bastap Bilim mınıstrligine qarasty joǵary oqý oryndary oqytýshylarynyń jalaqysy kóterildi. Endi muǵalimder aıyna keminde 200 myń teńge alatyn bolady, dep sendirdi vedomstvo:
«Aǵa oqytýshynyń jalaqysy keminde 230 myń teńge, dosenttiki 260 myń teńge, profesordyń jalaqysy 350 myń teńge (ulttyq joǵary oqý oryndarynda 400 myń teńge) bolýy kerek».
Sondaı-aq halyqaralyq zıatkerlik olımpıada jeńimpazdary bir rettik aqshalaı syılyq alatyny da buryn habarlanǵan bolatyn. Altyn medal ıegerlerine 1500 Mrp,kúmis medalǵa – 1000 Mrp, qola – 500 Mrp mólsherinde kótermeleý qarastyrylǵan. Bul týraly Úkimet otyrysynda Bilim jáne ǵylym mınıstri málim etti.
Sondaı-aq halyqaralyq olımpıadalardyń jeńimpazdaryn daıyndaǵan pedagog-tálimgerlerge de bir rettik aqshalaı syılyq beriledi.
Bul sheshim mektep oqýshylaryn jáne stýdentterdi jaqsy oqýǵa ıtermeleıdi dep oılaımyn.
Dılnaz Nýrjan
You Might Also Like
-
Ómirdegi barlyq adamdar bir orynda otyrýdan sharshaıdy jáne bir nárse jasaýdy bastaǵysy keledi. Keıde kóptegen adamdarǵa shabyt jetispeıdi, tipti eger olar bir jumysqa kirisse de, olar kóp uzamaı ol j...
