InfoHub Logo

Syrtqy ıntegrasıa Ózin-ózi taný sabaǵynyń ádistemelik tásilderin qoldaný
Sabaqtyń taqyryby: «Sý - ómir kózi» jáne «Tabıǵattaǵy sý aınalymy»
Qundylyq Súıispenshilik
Qasıetter Qamqorlyq, iskerlik, únemshildik.
4 synyp
Sabaq maqsaty: «Sý» uǵymynyń qundylyq retindegi mánin ashý.
Sabaqtyń mindetteri:
- sýdyń adam ómirindegi mańyzdylyǵyn túsindirý;
- sýǵa qamqorlyq jasaý iskerlikterin damytý;
- sýdy qadirleýge, únemdeýge tárbıeleý.
Resýrstar: (quraldar, málimetter)

Sabaq barysy:
5t. (tynyshtyq, talap, tynyshtyq, tazalyq, tatýlyq)
1. Uıymdastyrý kezeńi...
Tynyshtyq sáti.
Sý asty patshalyǵyna oısha saıahat. (Oqýshylardan sheńber quryp otyrýdy, qoldaryn tizesine nemese ústel ústine qoıýdy, aıaqtaryn aıqastyrmaýdy ótinińiz. Arqalaryn tik ustaýyn qadaǵalańyz. Jaıly, baıaý mýzyka qoıyńyz).
Muǵalim: Kózińizdi jumyńyz jáne birneshe ret tereń tynystańyz; deneińizdi bosatyńyz. Birneshe sekýndtan soń teńiz túbine saıahat jasaımyz.
Teńiz jaǵasymen kele jatqanyńyzdy elestetińiz. Tolqyndardyń jeńil shalpylyna, shaǵalalardyń shýylyna qulaq túrińiz. Jalań aıaqtaryńyzben qumdy sezinińiz. Shalǵaıdan qara núkte kórip tursyz: ol jaqyndaǵan kezde delfın ekenin túsindińiz. Ol sizdi teńiz túbine alyp ketý úshin keldi. Ol óte ádepti jándik, sizdi shydamdylyqpen kútip tur. Jaılap onyń arqasyna otyryńyz, myqtap ustap, jolǵa shyǵyńyz. Delfınniń arqasynda jaılanyp otyryp, ózińdi qaýipsiz seziný, sý astynda júzý qandaı keremet. Jan - jaǵyńyzǵa qarańyz: munda kempirqosaq tárizdi arly - berli jarqyraı qalqyǵan ásem balyqtar qanshama. Teńiz túbine boılaǵan saıyn aınala qalaısha ózgeredi, sýda terbelgen qanshama ǵajaıyp baldyrlar. Qarańyzshy, qandaı orasan zor balyqtar, al endi anaý jaqqa kóz tastańyz... bul orasan zor segizaıaq. Sý asty netken qyzyqty ári ǵajap álem. Siz bir nárseni baıqadyńyz ba? Munda netken tuńǵıyq, tolyq tynyshtyq. Osy tynyshtyq kúıde bolyńyz.(Muǵalim birneshe sekýnd únsiz qalady).
Al qazir joǵaryǵa, óz álemimizge keri qaıtýǵa daıyndalyńyz. Aınalaǵa jiti qarańyz. Ǵajap tústerge taǵy bir ret qarańyz jáne tynyshtyqqa qulaq túrińiz. Osyndaı tynyshtyq sizge samaldaı áser beredi. Endi delfın keri qaraı jolǵa shyqty. Siz sý betine shyqtyńyz, jaǵaǵa jaqyndadyńyz. Delfınniń arqasynan túsińiz, ony sıpalańyz jáne osyndaı ǵajap saıahatqa aparǵany úshin rızashylyq bildirińiz.
Synypqa oralyńyz jáne óz ornyńyzǵa kelińiz. Birneshe sekýndtan soń kózińizdi ashyńyz, osy túısingen tynyshtyqty óz boıyńyzda saqtaýǵa tyrysyńyz.
Úı tapsyrmasyn tekserý.
«Kim shapshań» oıyny
/dopty laqtyrý arqyly ýı tapsyrmasyn suraq qoıý arqyly jaýap alamyz/
1. Tabıǵatta sý aınalymy bolmasa ne bolady?
2. Las sýdy tazartýǵa bola ma? Qalaı?
3. Sýdyń kúıi nemen baılanysty?

Dáıeksóz
Sý joq jerde ómir joq, ol aqıqat.
M. Hakimjanova
Oqýshylar dáıeksózdi dápterge jazyp, maǵynasyn ashyp, óz oılarymen jetkizedi.

Syrtqy ıntegrasıa:
Sý - adamǵa eń qajetti taǵamnyń biri, sý - tazalyq kózi, sý - jan sulýlyǵynyń nári, sý - shynyǵý kózi. Búgingi tańda ózen, kól, teńiz jaǵalaýlarynyń, aryq jaǵasynyń taza bolmaýy adamdardan sýǵa tıgizip otyrǵan zıandy ádetteri. Ásirese jasóspirimderdi tazalyqqa, qamqorlyqqa, adamgershilikke baýlýda ózin - ózi taný páni úlken ról atqarady. Sondyqtan aýyrmaı, taza bolý úshin adam ishki tazalyǵyna mán berýi kerek, ıaǵnı oıy, sezimi, tilegi, muraty taza bolǵanda ǵana, syrtqy álemmen úılesimdilik bolady.
Sýdyń qasıetteri qanshalyqty kóp bolsa, adam boıynda sonshalyqty qundylyqtar kóp bolady.

Jańa taqyryp
«Sý - ómir kózi» jáne «Tabıǵattaǵy sý aınalymy»
Dúnıetaný pániniń muǵalimi:
İshki ıntegrasıa:
Sý - ǵajaıyp zat. Tabıǵattaǵy sý úsh túrli: suıyq, qatty jáne gaz tárizdes
bý kúıinde kezdesedi. Sý - tússiz, móldir, ıisi dámi joq, udaıy aǵyp jatady.
Sýdyń tiri organızmder úshin mańyzy zor. Sý bolmasa tirshilikte joq.
«Sý - ómir kózi», sý - janǵa sulýlyq beredi, kóńilińdi kóteredi, tazalyq kózi, shynyǵý kózi,
sý - taǵam, tabıǵatqa sán, ómirge mán beredi.

Ońtústik Qazaqstan oblysy, Shardara aýdany
Qurmanǵazy Saǵyrbaıuly atyndaǵy jalpy orta mektebi
Muǵalim: G. Abýeva, M. Nurmanova

«Sý - ómir kózi» jáne «Tabıǵattaǵy sý aınalymy» júkteý