InfoHub Logo

Súlikter — tushshy sýda tirshilik etetin ıirilmeli qurttar. Jer sharynda súliktiń 400-ge jýyq túri bar, al emdik maqsatta tek bir túri — medısınalyq súlik qana qoldanylady. Súliktiń uzyndyǵy 12 sm-ge deıin, túsi jasyldaý bolyp keletin arqasynda uzyna boıy qyzǵylt-sary syzyqtar bar. Bul — ony basqa súlikterden ajyratýǵa múmkindik beretin ózine tán belgisi. Súliktiń aýzynda maıda tisti úsh jaǵy jáne qannyń uıýyna jol bermeıtin erekshe zat — gırýdın bólip shyǵaratyn silekeı bezderi bar.

Gırýdoterapıa, ıaǵnı súlikpen emdeý ádisi erte zamandardan belgili. Ejelgi medısına klasıkteri Galen, Ibn Sına, Gıppokrat bas saqınasy, júrek syrqattary, joǵary qan qysymy, kóteý kezinde qan jiberý týraly eskertken.

Medısınalyq súliktiń silekeı bezderiniń sólinde 100-den asa bıologıalyq belsendi zattar bar, olar isikke qarsy, bakterıostatıkalyq, aýyrsyzdandyrýshy, taratýshy áserge ıe, sondaı-aq mıkrosırkýlásıalyq buzylystardy, tinder men aǵzalardaǵy tamyr ótkizgishtiginiń buzylýyn joıady, gıpoksıany ketiredi, qan qysymyn tómendetedi, organızmdi qoqystan tazartady, mıokard ınfarkti, ınsýlt sekildi qaýipti asqynýlardan saqtaıdy.

Súlik salynatyn jerdegi teri aldyn-ala bir shókim sýly maqtamen nemese dákemen ysqylap, qyzarǵansha súrtiledi. Teridegi kez-kelgen hosh ıisti zatty joıý úshin maqtany 2-3 ret aýystyrady. Terini zalalsyzdandyrýshy spırtti suıyqtyqtarmen súrtýdiń qajeti joq. Óıtkeni kez kelgen bógde, tabıǵı emes ıis súlikti shoshytady.

Súlikti terige antıbıotıkterden qalǵan, shıshalarmen nemese qutymen qoıady. Súlik qadalý, boıyna ıreleńdeı bastaıdy, sol sátte ydysty alyp tastaıdy da súliktik astyna bir qabat maqta, dáke salady.  Gırýdoterapıa seansy qan tolyq sorylǵansha, súlik ózi túsip qalǵansha jalǵasady. Emsharadan keıin súlikti formalın nemese músátir eritindisine salyp, joıady.

Súlik tistegen jerlerde úsh sáýleli jaralar qalady. Olardan qan 6-24 saǵat boıy aǵady. Qanap turǵan jaralarǵa aseptıkalyq tańǵysh taǵady. Eger qan toqtamasa, kelesi kúni jańa tańǵysh tańylady. Qannyń toqtaýyn tezdetý úshin ızotonıkalyq eritindisi bar qysatyn tańǵysh salýǵa bolady.

Qan toqtasa, jaranyń shetine ıod eritindisin jaǵady nemese taǵy bir táýlikke aseptıkalyq tańǵysh taǵady.

Gırýdoterapıaǵa absolútti qarsy kórsetimi — gemofılıa, ıaǵnı qanaqqyshtyq aýrýy. Salystyrmaly qarsy kórsetimder: júktilik, aıqyn astenıa, qanazdyq, gıpotenzıa, alergıalyq, reaksıalar, ekinshi qaıtara bolatyn ımýnıtet tapshylyǵy, kaheksıa.

Súlikpen emdeý barlyk derlik somatıkalyq  aýrýlardyń qalypty emine qosymsha retinde qoldanylady.

A.G.Seıitqojanova

Oqýǵa keńes beremiz:

Mıokardıoskleroz

Qan qysymynyń tómendeýi

Mı qan aınalymynyń jiti buzylysy

Mıokard ınfarkti jáne emdik jattyǵýlar

Qan qysymynyń kóterilýine jol bermeımiz

Qan qysymyn qalaı kóterýge bolady: kómegi tıeri anyq 5 jyldam tásil

---