InfoHub Logo

«Ustazdyq etken jalyqpas, úıretýden balaǵa» dep uly Abaı atamyz aıtyp ketkendeı:

Meniń eń alǵashqy «Áýlıeaǵash orta mektebiniń» tabaldyryǵyn attaǵan kún ol – eń keremet sátterdiń biri. Osydan 1 jyl buryn 2020 jyl pandemıa kezi, oqýshylardyń bári qashyqtyqtan oqýǵa májbúr bolǵan kez edi. Men bizdiń mektepke «1-qyrkúıek bilim kúni» shashyma aq bantıgimdi taǵyp, ústime ádemi mektep formasyn kıip, betperdemdi taǵyp, bilim kúnine arnalǵan qashyqtyqtan vatsap jelisimen mektep dırektorynyń quttyqtaý sózinen keıin  vıdeo   arqyly  taratylatyn alǵashqy qońyraýyn soǵýǵa bardym. Mekteptiń aldy tym-tyrys, mektep ǵımaraty  óte ádemi jáne bıik eken. Mekteptiń aldynan Shynar apaıym maǵan meıirimdi kózderimen kúlimsirep qarsy alyp, oqýshy atanǵanymmen quttyqtaǵany áli esimde, solaı júregimdi jyly lebizderimen birden nur sekildi jaýlap aldy . Sol sátten beri Shynar apaı maǵan óte jaqyn jandardyń birine aınaldy. Shynar apaı bizge oqýdy, jazýdy úıretti.  Apaıdyń aıtqanyn oryndap, renjitpeýge tyrystym. Óıtkeni, ustazym soǵan laıyqty jan. Apaıymnyń jetekshiligimen túrli saıystarǵa qatysyp, ǵylymı jobany da qorǵap júldeli oryndarǵa ıe boldym. Ustazym bizge bilim berip qana qoımaı, tazalyqqa, uqyptylyqqa, eńbekke, otanymyzdy súıýge, ana – tilimizdi qurmetteýge baýlydy. Ómirde óz anamnan keıingi qadirli jan ol meniń  ustazym. Sebebi Shynar Zeınelqyzy - bizge bilim berip, tárbıelep, kúlimdegen, kúnim degen, júregimizge bolashaqqa maqsat qoıa bilýge senim uıalatqan zor tulǵa. Ustazymnyń bizge artqan senim men úmitin aqtaımyn dep ýáde beremin.

 

---