InfoHub Logo

SHQO, Abaı aýdany, Sarjal aýyly
ózin-ózi taný pániniń muǵalimi
Jaktaeva Dınara

1-júrgizýshi
Aq kóńildi, meıirimdi
Saıamyz da panamyz
71 jasqa kelipti
Minekeı Sara apamyz
2-júrgizýshi
Ózin-ózi taný baǵdaryn
Pán qylyp bárin kirgizgen
Jan saraıyn sábıdiń
Kúlkige máńgi kómgizgen

İ «Shattyq sheńberi» bólimi
1-júrgizýshi
- Sálemetsizder me, búgingi «Súıispenshilik nurymen» atty keshke jınalǵan qaýym, oqýshylar, ulaǵatty ustazdar men ata-analar.
2-júrgizýshi
- Sizderdiń kúlimdegen kózderińiz ben bul-bul janǵan júzderińdi kórip qýanyp turmyz. Sondyqtan keshimizdi bastaýǵa ruqsat etińizder.
1-júrgizýshi
Al, balalar, kelińder!
Sheńber jasap turaıyq
2-júrgizýshi
Muǵalimniń aıtqanyn muqıatty uǵaıyq.
1-júrgizýshi
- Balalar bárimiz «Shattyq sheńberine» turyp, ásem ánmen kóńil kúıimizdi kóterip alaıyq.
2-júrgizýshi
- Bárimiz Erkejanmen qosylyp «Baqytty qurbylar» ánin birge shyrqaıyq.
Rahmet Erkejan. Saǵan alǵysymyz retinde keshimizden estelik tartý etemiz. (1)

İİ «Ónegeli otbasy» bólimi
1-júrgizýshi
Mine, qarańyz, januıa
Órlegen órge ár tasy
2-júrgizýshi
Aýylyma tanymal
Berekeli otbasy
1-júrgizýshi
- Qurmetti kórermender biz kelesi kezekti «Ónegeli otbasy» bólimine beremiz.
- Balalar aýylymyzdaǵy Qudaıbergenovter áýleti jaıly bilemisińder? Olaı bolsa biz osy januıany «Ónegeli otbasy» dep tanyp, olardan suhbat alyp qaıtqan bolatynbyz. Barlyǵymyz ekranǵa nazar aýdaraıyq. (vıdeorolık)

2-júrgizýshi
- Osy suhbatymyzdyń keıipkeri 4 balanyń anasy, Ardagerler ansambliniń múshesi, mektebimizde 33 jyl eńbek etip kele jatqan Saqan Sqaqqyzyn ortamyzǵa shaqyryp, bir-eki aýyz tilek, lebizin tyńdasaq.
Rahmet sizge, Keńesteı balańyzdyń jetistikteri osy balalarǵa úlgi bolar dep senemiz, sizge alǵysymyz retinde keshimizden estelik tartý etemiz.

İİİ «Tynyshtyq sáti»
1-júrgizýshi
Al qanekı balalar
Boıdy erkin jazaıyq
2-júrgizýshi
Sergiteıik kúsh jınap
Sharshaǵandy basaıyq
1-júrgizýshi
- Qane, balalar, ortaǵa jaıǵasaıyq. (1-synyp oqýshylyry shaqyrylady)
2-júrgizýshi
- Kózimizdi jumyp, úntaspaǵa qulaq shalaıyq. Estigenderimizdi kóz aldymyzǵa elestetýge tyrysaıyq. (Relaksasıa oınatylady)

- Qandaı áser aldyńdar?
- rahmet, balalar. Senderge alǵys retinde estelik tartý etemiz. oryndaryńa jaıǵasyńdar.
IV «Trenıń»
1-júrgizýshi
- Endi osy keshtegi bárlerińizge sergitý sátin uıymdastyrsaq.
-1-jattyǵýymyz «Dene múshelerin qozǵaltý» dep atalady. Qazir sizderge áýender oınatylady, al sizder oryndaryńyzdan turyp, áýenniń yrǵaǵymen Almagúldiń aıtqandaryn oryndaısyzdar. Buljytpaı oryndaǵan qatysýshyǵa syılyǵymyz bar. Kelisip alsaq, kettik onda. (áýender oınatylady)

1-júrgizýshi
1. Bastaryńyzben ǵana bıleńizder.
2. Moıyndaryńyzdy qosyp bıleńizder.
3. Yıyqtaryńyzdy qosyp bıleńizder
4. Qolymyzdy qosyp bıleımiz
5. Beldi qosyp bıleımiz.
6. Aıaqtarymyzdy qosyp bıleımiz.
2-júrgizýshi
Tamasha! Buljytpaı oryndaǵan qonaǵymyzǵa syılyq berilsin. (1)
1-júrgizýshi
2-jattyǵýymyz «Oılanýǵa arnalǵan balyqtar» dep atalady. Toptyń ár qatysýshysy sebetten balyq aýlaıdy, balyqtyń artyndaǵy aıaqtalmaǵan sóılemdi óz sózderimen jalǵastyrady.
1. Eń úlken qorqynysh – bul. . .
2. Men mynadaı adamdarǵa senbeımin. . .
3. Men renjımin, eger. . .
4. Men unatpaımyn, eger. . .
5. Maǵan kóńilsiz, eger. . .
6. Eger maǵan daýys kóterse, men. . .
7. Men qarsylasqan. . .
8. Eger men senimsiz bolsam, onda. . .
9. Eger men kináli bolsam, onda. . .
10. Eger ata-anam maǵan senim artsa, onda . . .
11. İnimmen bir zatqa talasyp qalsaq, . . .
2-júrgizýshi
3-jattyǵýymyz «3 túrli sóılesý» dep atalady. 6 qatysýshy ortaǵa shyqsyn. Berilgen tapsyrma boıynsha áńgimelesip kórińizder.
1. arqamen arqany tirestirip sóılesý
2. biri turyp, biri otyryp sóılesý
3. kózbe-kóz sóılesý
1-júrgizýshi
Óz áserlerińizdi aıtsańyzdar.
2-júrgizýshi
4-jattyǵýymyz «Sıqyrly qapshyq» dep atalady. Ár oqýshy Almagúldiń qolyndaǵy qapshyqtan, qoldarymen sıpap - sezý arqyly qolyna qandaı oıynshyq ilingenin aıtady. Durys tapsa ekinshisin de taýyp berý kerek.

V «Syılyq tartý» bólimi.
1-júrgizýshi
Ustazdar men ata-anamyz árkezde
Bolǵan bizge panamyz da saıamyz
2-júrgizýshi
Quttyqtaıyq olardy
Biz de syılyq jasaımyz

1-júrgizýshi
Balalar, kelesi bólim «Syılyq tartý» dep atalady. Bárleriń ústelge jaıǵasyp, berilgen zattardan syılyq jasap, ishine jyly sózderdi salyp, óz qalaýlaryń boıynsha tabys etesińder.
2-júrgizýshi
Al biz ekranǵa nazar aýdaraıyq. (Vıdeorolık «Táńirmen suhbattasý»)

- Jaqsy, rahmet balalar.
VI «Jaǵdaıatty sheship kór» bólimi
1-júrgizýshi
Oılanaıyq, balalar
Pikirińdi aıt barshaǵa
2-júrgizýshi
Jaǵdaıattar bereıik
Oıyńdy sal ortaǵa
1-júrgizýshi
- Qazir sizderge mektep oqýshylary, ómirde jıi kezdesetin kórinis kórsetpek. Olardyń sizderge qoıar suraqtary da bar. Solardy tyńdap, sheshimin taýyp kórsek.

2-júrgizýshi
Árkimdi óz oıyn ashyq aıtýǵa shaqyramyz. Durys sheshkenderge syılyq beriledi.
1. Men búgin áteshteı shoqysyp jatqan eki balany arashalap aldym. Onyń bireýi kishkentaı bolǵanymen úlkeniniń jaǵasyna jarmasyp jatyr. Shaqyryp edim, bastary salbyrap aldyma keldi. Úlkeninde ún joq, kishkentaıy býlyǵyp jylaıdy. Birinshi qol jumsaǵany úlkeni eken. Úlkeni jaýap berýi tıis qoı. Biraq úlkeni bylaı dep tur: «Ol meniń inimdi uryp-soǵady. Tipti kún bermeıdi. Onyń kitapshalaryn tartyp alypty. Men odan inimdi uryp-soqpaýyn qaıta-qaıta ótindim, al ol tyńdamaıdy»

Suraq: Bul eki balanyń qaısyniki durys? Sizder qalaı talqylar edińizder?
Jaýap: Bul sıtýasıada men úlken balanyń óz betimen tártipke shaqyrǵanyn quptamas edim. Bul balalardyń klass jetekshisi bar, sen sol kisige aıttyń ba? Osyndaı konflıkt jaǵdaıdy klass jetekshi arqyly sheshý kerek. Egerde kerek bolsa ata-anasy arqyly da sóılesýge bolady.

2. Bir kúni 6 klass oqýshylaryn klass jetekshisi Roza apaı jemis jınaýǵa sharýashylyq jumysyna kómektesýge shaqyrdy. Jumysqa barýǵa oqýshylardyń barlyǵy jınaldy. Tek qana Álı kelmedi. Klass jetekshisi Álıdiń úıine dostaryn jiberip edi, úıinde eshkim joq eken dep qaıtyp keldi. Keshke qaraı oqýshylardyń bári jumystan oraldy. Oqýshylar sharýa qojalyǵy jumysyna kómektesip, alǵystaryn alyp qaıtty. Erteńinde sabaqqa barǵan soń Roza apaı men oqýshylar Álıden nege jumysqa kelmegendigin surady. Álı jumysqa mamasynyń jibermegendigin aıtty. Álıdiń mamasyn shaqyryp kelip, bolǵan jaıdy baıandady. Mamasynyń aıtýy boıynsha Álıdiń aıtqany ótirik bolyp shyqty. Ol jumysqa baramyn dep, mamasyn aldap, mamasy jumysqa ketken soń, kórshi balalarmen oınap ketken. Sol kúni ol jumystan keldim dep kesh oralǵan. Álıdiń bul isine dostary qynjyldy.
Suraq: Álı sıaqty balalar týraly sizdiń oıyńyz qandaı? Synypta qandaı jumystar atqaryp, qandaı shara qoldanar edińiz?

Jaýap: Oqýshylar Álıdiń jumysqa kelmegenin bilip klass jınalysynda talqylaý kerek, qoǵamdyq pikir týǵyzý arqyly árbir oqýshynyń oıy tyńdalyp, Álıdi uıaltý, eskertý ádister arqyly tártipke shaqyrý qajet. Egerde oqýshylar Álıdi synǵa alsa, ol óziniń jasaǵan qateligine oılanyp baryp túzelýi múmkin.

3. Bir qolynda bıdony bar, bir qolynda azyq-túlik sýmkasyn ustaǵan kempir kisi stýdentter jataqhanasy janynan óte bergende, daýlyǵa sóılesip kele jatqan qyz ben jigiti aralas bir top stýdentter álgi qarıany basyp kete jazdady.
–Oıbaı, shyraqtarym-aý, kózderińe qaramaısyńdar ma?! – degen úlken kisiniń eskertpesine syryqtaı uzyn, kóp aılar boıy qaıshy kórmegen úrpek shashy qulaǵy men jelkesi túgel jaýyp, qobyratyp ósirip jibergen, taırańdaǵan bezeý bet jigit.
- Kózimiz oqýda babýshka, – dep edi, álginiń moınyna asylyp kele jatqan, tar shalbar kıgen shı but qyzdan bastap, bári qosylyp keń kósheni bastaryna kótere daraqy qarqyldap jónele berdi.
-Osy kúngi jastar-aı! Ne bop barady ózderi? – dep jańaǵylardyń izine qarap álsin-álsin basyn shaıqaýmen kempir de jónine ketti.
Suraq: Osy arada qandaı sheshim shyǵarýǵa bolady?

Jaýap: qazaqtyń maqalynda «Atańa ne isteseń, aldyńa sol keledi» dep, jańaǵy sereıgen jigit pen syıdyǵan qyz da tiri júrse, bir zamandarda qaýsaǵan shal, shúńkıgen kempir bolary haq. Sonda ózderin jańaǵydaı ádepsiz jastar taptap kete jazdasa qaıter edi?
Jańaǵy jigitti qoshemetpen qasyndaǵylary tegis kúldi. Sonda osylardyń ishinen: «Qoı munymyz uıat emes pe? Úlken kisiden keshirim suraıyq» - degen sózdiń bireýiniń de aýzynan shyqpaǵanyna qatty qynjylasyń. Atalar men ájeler bolmasa ǵasyrlar boıy urpaqtan urpaqqa úzilissiz jetip kele jatqan halyq danalyǵyn, arǵy babalar amanatyn, áldeneshe ondaǵan bunyń ómir tájirıbesin: Jaqsy taǵlymyn, jaman sabaǵyn osy kúngiler qaıdan alǵan bolar edi? Ásirese bizdiń qazaq sıaqty halyq úshin «úıińde qartyń bolsa, jazyp qoıǵan hatpen teń» degen naqyl sózdiń mańyzy orasan zor bolsa kerek.

VII «Júrekten-júrekke»
1-júrgizýshi
Al, qanekeı, qonaqtar
Taǵy da sheńber jasaıyq
2-júrgizýshi
Tilek tilep ózara
Kóńildi bop qaıtaıyq.
1-júrgizýshi
- Qurmetti ustazdar, ata-analar, oqýshylar. Ortaǵa shyǵyp, júrek jardy tilekterimizdi bildireıik. Aıtam deýshiler ortaǵa shyqsa. Tilekterińizge alǵys retinde sizderge keshimizden estelik tartý etemiz.
2-júrgizýshi
Osymen keshimizdi tamamdaımyz. Kelip, kórip, tamashalaǵandaryńyzǵa kópten-kóp rahmet!