InfoHub Logo

Atyraý oblysy, Isataı aýdny, H. Naýbetov atyndaǵy
orta mekteptiń joǵarǵy sanatty bastaýysh synyp muǵalimi
Nurmasheva Sharbaný Nasyrqyzy

Sabaqtyń taqyryby: 4 sany men sıfry. Tórtburysh. Sharshy.
Sabaqtyń maqsaty:
1) 4 sanymen jáne 4 sıfrynyń jazylýymen, 4 sanynyń quramymen tanystyrý; tórtburysh, sharshy týraly túsinikterin qalyptastyrý.
2) Oqýshylardyń oı - órisin oılaý qabiletterin matematıkalyq tilin damytý, pánge qyzyǵýshylyǵyn arttyrý.
3) Oqýshylardy alǵyrlyqqa, tapqyrlyqqa jáne durys esepteýge, izdenimpazdyqqa tárbıeleý.
Sabaqtyń túri: jańa bilim engizý.
Sabaqtyń ádisi: suraq - jaýap, túsindirý, oıyn, kórnekilik.
Kórnekiligi: sandar, sýretter, kesteler, ınteraktıvti taqta, jyldyń tórt mezgiliniń sýreti t. b.

Sabaqtyń barysy:
İ. Uıymdastyrý bólimi.
Oqýshylardyń nazaryn aýdarý.
İİ. Ótken taqyrypty pysyqtaý
- Balalar, Jan - jaqqa ketti zymyrap,
Mysyqtan qoryqqan tyshqandar.
Qorapqa kirdi bireýi,
Sońynan ketti ekeýi.
Tyǵyldy sonda nesheýi? (1+2=3)

Ulpa júnin qyzdyryp,
Kún shýaqta bir kúshik.
Otyr edi mańyna
Keldi taǵy eki kúshik
Nesheý boldy sen sana?
- Balalar, ótken sabaqta qandaı taqyryppen tanystyq?
- 3 Sany men sıfry.

İİİ. Jańa sabaq.
- Endi, balalar, kóńilimizdi taqtaǵa aýdaraıyq. Jumbaq jasyrý.
- Eki balapan tur,
Eki balapan otyr.
Shataspaı tez oılansaq,
Týra taýyp atasaq,
Turǵany bar, otyrǵan,
Barlyǵy qansha balapan?
- Durys balalar, endeshe búgingi sabaǵymyzdyń taqyryby 4 sany jáne sıfry. (Muǵalim taqtaǵa 4 sany sıfrynyń jazba túrin kórsetedi)

1. Tórt jyl mezgili 4 sanymen belgilenedi.
2. Úshten keıin tórt bolar,
Bir jylda tórt mezgil bar.
Qys mezgili – kún sýyq,
Aq qar jatyr jer jaýyp.
Kóktemde bolar jer jańa,
Egeıik egin dalaǵa.
Jazǵyturym kún uzaq,
Aptap turar kún shýaq.
Altyn kúz bizge berer nur,
Jemis - jıdek pisip tur.

İV. Oqýlyqpen jumys
№1. Tapsyrma boıynsha sannyń san sáýlesindegi ornyn jáne 3 - ke 1 - di nemese 2 - ge 2 - ni qosý jolymen 4 sanyn shyǵaryp alýdy túsindirý.
- Birinshi sýrette bir túspen neshe torkóz boıalǵan? Nesheýin basqa túspen boıady? Muny qalaı jazýǵa bolady? Neshe boldy? Demek 4 - bul
Mysaldar tórttigin qurý jolyn túsindirý. Mundaı jumys olardy qosý men azaıtý arasyndaǵy baılanysty túsinýge ákeledi.

Sanamaq jattaý:
Qazdyń da ekeý aıaǵy,
Qurdyń da ekeý aıaǵy.
Ekeýiniń aıaǵy,
Tórteý bolady baıaǵy.

№2. Dápterde oqýshylardyń ózderi oryndaýǵa berilgen. Bul tapsyrmany oryndamas buryn 4 sanynyń quramy qaıtalanady.
№3. Aýyzsha oryndaý kezinde 4 - ke deıin týra jáne keri sanaýǵa jattyǵady.
Tórtburyshtyń mándi belgilerin túsindirý. Jınaq polotnosyna geometrıalyq fıgýralardyń úlgileri bekitilgen. Mysaly, ártúrli úshburysh jáne 1 tórtburysh. Artyq fıgýrany tabyńdar. Bul fıgýrany qalaı ataýǵa bolady? Bul fıgýra nege tórtburysh dep atalady? Tórtburyshtyń buryshtary nesheý? Neshe qabyrǵasy bar?
№4. Tórtburyshtyń ár túrimen tanysady. Geometrıalyq fıgýralardy kórsetý.
№5. Bekitý jumysy.
№6. Oqýshylar berilgen fıgýrany qurastyratyn qıyndylardy daıyndap qoıýlary kerek.

V. Sergitý sáti.
Sharshasańdar balalar,
Qoldaryńdy sozyńdar.
Saýsaqtarmen oınańdar,
Qoldaryńdy sermeńder.

Vİ. Dáptermen jumys.
№1. Oqýshylar 4 sıfryn torkózde jazý jolymen tanysqannan keıin aýada jazyp shyǵady. 4 - tiń jazylý úlgisin toltyrady.
№2. - Jazýǵa qarańdar. Matematıkada mundaı jazýlardy qalaı ataıdy?
- Órnek. Órnektiń máni 4 - ke teń bolatyndaı bos orynǵa san tańdaımyz. Kórneki túrde túsindirý.
4 qaryndash alyńdar. 4 shyǵý úshin 1 qaryndashqa qandaı san qostyq?
№3. Tómende qandaı san kórsetilse, sonsha sharshynyń sýretin salady.
№4. Oqýshylar núktelerdi durys qosýdy úırenedi jáne tórtburysh týraly bilimderin naqtylaıdy.

Vİİ. Jańa sabaqty bekitý.
- Aptanyń tórtinshi kúni qaı kún?
- Jyldyń tórtinshi aıyn ata.
- 4 sanyn qajet etetin mysaldy keltire alasyń ba?

Vİİİ. Sabaqqa jaqsy qatynasqan oqýshylardy madaqtaý.