InfoHub Logo

Soltústik Qazaqstan oblysy
Aqjar aýdany, Talshyq selosy
"Baldyrǵan" balalar bóbek baqshasynyń tárbıeshisi
Koshkınbaeva Gýlnar Oljabaıqyzy

Uıymdastyrylǵan oqý - is áreketiniń tehnologıalyq kartasy
2 sábıler toby
Bilim berý salasy: Tanym.
Bólimi: Q. M. T. Q.
Taqyryby: Sıqyrly joldar.
Maqsaty: Geometrıkalyq pishinderi ajyrata otyryp, logıkalyq oılaý qabiletin damytý. Ertegi arqyly qamqorlyqqa, eńbek súıgishtikke tárbıeleý.
Ádis - tásilder: Suraq - jaýap, «Baýyrsaq» ertegisiniń jelisi boıynsha, oıyndar arqyly, úlestirmeli materıaldarmen jumys.
Kórnekiligi: Kúnniń beınesi, úıshik, orman beınesi, «Baýyrsaq»ertegisiniń keıipkerleriniń kıimderi, pishinder.

Motıvasıalyq qozǵaýshy Shattyq sheńber:
Tárbıeshi:- Balalar, qarańdarshy joǵaryda ne tur?
- Qane balalar barlyǵymyz bir birimizdiń qolymyzdan ustap kún jasaıyqshy.
- Qaıyrly tań, kózderim!
Sender oıandyńdar ma?
- Qaıyrly tań, qulaqtarym! Sender oıandyńdar ma?
- Qaıyrly tań, saýsaqtarym! Sender oıandyńdar ma?
- Qaıyrly tań, aıaqtarym!
Sender oıandyńdar ma?
- Qaıyrly tań, kún! Sen de oıandyń ba?
- Jaraısyńdar balalar, búgingi kúnimiz jaqsy bolsyn.
- Endi, biz, apaılarǵa jaqsy balalar ekenimizdi kórsetip amandasaıyqshy.
Sálemetsizder me!
- Qosh keldińizder!
- Balalar, búgin sender ádemi bolyp ketipsińder.
- Káne, neniń daýystary estiledi, tyńdańdarshy.

Uıymdastyrýshylyq - izdenis

- Tárbıeshi: Sálemetsiń be, baýyrsaq. Sen qaıdan kele jatsyń?
- Balalar, baýyrsaqtyń pishini, túsi qandaı?
Tárbıeshi: Baýyrsaq domalap,
keń dalaly egisterden ótedi. Osylaı domalaǵan kúıi qalyń ormanǵa keledi. Ormanda oǵan Qoıan kezdesedi.
Tárbıeshi: Balalar, Baýyrsaqqa kómektesemiz be?
Qoıan, Baýyrsaq, kelińder, balalar -
men birge tapsyrmany oryndaıyq.
(Tárbıeshi hatty ashyp oqıdy)
1 - tapsyrma: 1 - 3 deıin týra sanaý
2 - tapsyrma: 3 - 1 deıin keri sanaý
3 - tapsyrma: Qoıannyń neshe qulaǵy bar?
Jaraısyńdar, Qoıannyń tapsyrmasyn oryndadyńdar.
Qoıan saǵan tapsyrmanyń jaýaby unady ma?
Tárbıeshi: Balalar qoıan Baýyrsaqty jiberdi.
Baýyrsaq domalap kele jatsa onyń aldynan qasqyr shyǵa keledi.
Tárbıeshi: Baýyrsaqqa kómektesemiz be?
Tárbıeshi: Qasqyrdyń tapsyrmasy
mynandaı eken.
(Balalardyń nazaryn taqtaǵa aýdarý).
Ortada ne ornalasqan?
Al oń jaq buryshynda ne ornalasqan?
Al sol jaq buryshynda ne ornalasqan?
Barlyǵyn bir sózben ne dep aıtamyz?
Tárbıeshi: Jaraısyńdar! Baýyr saqqa Qasqyrdyń tapsyrmalaryn oryndaýǵa kómektestińder.

Sergitý sáti:

Baýyrsaq orman ishimen domalap kele jatsa oǵan aıý kezdesedi.
Tárbıeshi: Aıýdyń tapsyrmasy:
«Ne artyq?»oıynyn oınaý.
Jaraısyńdar, balalar! Baýyrsaqqa Aıýdyń tapsyrmasyn oryndaýǵa kómektestińder. Ol rıza bolyp Baýyrsaqty jiberdi.
Baýyrsaq domalap - domalap Túlkige kezikti.
Tárbıeshi: Kómektesemiz be?
- Balalar, Túlki ózine úı qurastyrýdy usynady.
- Qandaı pishinderden qurastyramyz?
- Tústeri qandaı?
- Úıdi ádemi qurastyrdyńdar.
- Al endi Túlki Baýyrsaqty jiberýine týra keldi, óıtkeni Baýyrsaq barlyq tapsyrmany durys oryndady. Al oǵan kómektesken sendersińder, balalar.
Tárbıeshi: Tamasha, Baýyrsaq, búkil tapsyrmany oryndaǵan soń, sen ańdarǵa jem bolǵan joqsyn.

Refleksıvti - túzetý.

Áje: Balalar, sender, meniń Baýyrsaǵymdy kórgen joqsyńdar ma?
Tárbıeshi: Ol bizde qonaqta boldy. Biz oǵan kóp nárse úırettik.
Áje: Ol, balabaqshada ne úırendi?
Áje: Rahmet, balalar, meniń Baýyrsaǵyma, kóp nárse úıretkenderińe.
Senderge tátti baýyrsaqty syıǵa tartqym kelip tur.


Kútiletin nátıje:
Bilý kerek:1-3 deıin týra jáne keri sanaı bilý.
Túsinigi qalyptasty:Geometrıalyq pishinderdi ajyratý,olardyń tústerin aıyra bilý.
Aıta – oryndaı alady:Pishinderden úı qurastyrý