InfoHub Logo

Ózin ózi taný 5 synyp
Taqyryp: Tabıǵat ǵajaptary
Qundylyq: Qıanat jasamaý
Qasıetter: súıispenshilik, meıirim, dostyq.

Sabaq maqsaty: Qıanat jasamaý naǵyz adamnyń isi ekenin oqýshylarǵa túsindirý.
Mindeti:
1. Qıanat jasamaý uǵymynyń mánin ashý;
2. Burynnan adamzat balasyna berilgen súıispenshilikterin jandandyra otyryp qıanat jasamaýdy damytý;
3. Qıanat jasamaý arqyly súıispenshilikke bólený, úılesimdi ómir súrý.

Sabaq barysy:
1. Uıymdastyrý kezeńi. 2 mın.
Sálemdesý, oqýshylardyń kóńil - kúıin suraý, sabaqqa qatysýdy tekserý.

2. Tynyshtyq sáti. 3 mın.
«Meniń jan dúnıemdegi sáýle» jattyǵýyn baıaý áýen tyńdaı otyryp jasaý.

3. Úı tapsyrmasyn tekserý. 5 mın.
Úıge berilgen «Bala jáne injýgúl qońyraýlary» (105 bet) ertegisi boıynsha suraq qoıý arqyly erteginiń mazmunyn aıtý.
Suraqtar:
1. Balalar, injýgúl dúnıege qalaı keldi?
2. Al bala injýgúlge nelikten qyzyqty?
3. İnjýgúl balaǵa qandaı ótinish aıtty?
4. Bala injýgúldi nelikten julmady?
5. Eger senderdiń ómirlerińde osyndaı jaǵdaı bolsa, ne ister edińder?
Sabaq barysyn talqylaý:
4. Dáıek sóz. 2 mın.
«Qaıyrymdy is jasa, qaıyrly bolar ár isiń»
Halyq naqyly
Iaǵnı, biz barlyǵyna qaıyrymdylyq jasasaq, árbir jasaǵan isimiz bizge jaqsylyq pen qýanysh alyp keledi. Gúlderge, jan - janýarlar men ósimdikterge, tipti ústimizdegi kıimge, otyrǵan oryndyǵymyzǵa, mektebimizge jaqsy qaraıtyn bolsaq, olar da bizge rahmetin aıtady. Ustazdarymyz ben ata - anamyzdy tyńdap, aıtqanyn oryndaıtyn bolsaq, ol bizdiń olarǵa qıanat jasamaı, qaıyrymdylyqpen qaraǵanymyz bolady.
(Dáıek sózdi dápterge jazyp, 2 - 3 ret birge qaıtalap oqımyz)

5. Áńgimeleý (suhbat). 3mın.
Qıanat jasamaý degenimiz ol:
Jaqsy oı oılaý - álemge qıanat jasamaý,
Jaqsy sóz aıtý - tilge qıanat jasamaý,
Jaqsy áńgime tyńdaý – qulaǵymyzǵa qıanat
jasamaý,
Jaqsylyqty kóre bilý – kózge qıanat jasamaý,
Durys tamaqtaný - densaýlyǵymyzǵa qıanat
jasamaý,
Durys is - áreket jasaý - denemizge qıanat jasamaý.
Qurbylarymyzdy renjitpeý – dostyqqa qıanat
jasamaý.

Ańyz aıtý. 5 mın
«Ne aıtatynyńdy oılap al»
(oıǵa qıanat jasamaý, óıtkeni árbir oı iske ulasady)
«Qıanat keltirmegen jaza»
(İs - árekette qıanat jasamaý, árbir is - áreket minezdi qalyptastyrady)

Suraq qoıý: 5mın.
- Balalar endi sender qıanat jasamaý degendi qalaı túsinesińder?
- Qıanat jasamaý úshin ne isteý kerek?

6. Shyǵarmashylyq jumys, toptyq jumys. 12 mın.
Jaǵdaıattardyń sheshimin tabý.

1 - jaǵdaıat
Sen birneshe dostaryńmen sabaqtan qaıtyp kele jatyr ediń qasyńdaǵy qurbylaryń kınoǵa baraıyq degen usynys jasady. Biraq sen sabaqtan soń anańnyń bergen tapsyrmalaryn oryndaýyń kerek. Qurbylaryń qyzyq kıno júrip jatqanyn aıtyp senen ótinip tur. Sen ne isteısiń?

2 - jaǵdaıat
Sabaqtan qaıtyp kele jatqan jolda sen birneshe balalardyń taldaǵy almany alý úshin taldyń butaqtaryn syndyryp jatqanyn kórdiń. Sen ne isteısiń?
(toptarǵa berip, ár top óz sheshimin birlesip shyǵarady)

Dáptermen jumys
Dápterdiń ortasyna kúnniń sýretin salyp, kúnnen taraǵan sáýlelerge jaqsy qasıetterdi jazamyz. (taqtaǵa syzyp kórsetemin)

Oqýshylardyń qandaı qasıetterdi jazǵandaryn ortaǵa salyp aıtamyz.
Qorytyndylaý.
Jaqsy oılar oılaımyz,
Jaqsylyqty kóremiz,
Jaqsy áńgime tyńdaımyz,
Jaqsy ister jasaımyz,
Biz baqytty balamyz.
Dápterge jazyp, birneshe ret qaıtalap oqımyz.

7. Toppen án aıtý. 3 mın.
«Aq kógershin» Sózi: A. Jubanovtiki, áni: N. Baımuhamedovtiki

8. Úı tapsyrmasy. 2 mın.
«Qıanat jasamaý - naǵyz adamnyń isi» taqyrybynda óz
oılarynan nemese bastarynan ótkizgen oqıǵalary týraly shaǵyn áńgime jazý. Kelesi sabaqqa «Sýretshi týraly ertegi» áńgimesin oqyp kelý.

9. Sońǵy tynyshtyq sáti. 3 mın.
- Balalar, endi bir sát tynyshtalyp, kózimizdi
jumaıyqshy. (áýenmen) Búgingi sabaqtan alǵan áserleriń men jaqsy oılaryńdy esterińe túsirip kórińdershi... (sál kidiris jasaımyn) Ony ózderińmen birge qalý úshin júrekterińe salyp, saqtap qoıǵandy elestetip kórińdershi. (sál kidiris jasaımyn) Elestetip bolsańdar jaılap kózderińdi ashyńdar. Búgin sender óte kóp jaqsy ister jasadyńdar, sabaqty jaqsy oqydyńdar, jaqsy oılar aıttyńdar sol úshin senderge rahmet aıtamyn!